Namzedanê kurdan Şerafettîn Elçî û Altan Tanî kanalê televîzyon o tirk Haber Türk de roportajê xo de derheqê weçînitiş, kulturê dînî yê kurdan û serekwezîrê Tirkîya Tayyîp Erdoganî de qisey kerd. Elçî vat ke Erdogan şaro kurd jê (sey) nizm cêno û wazeno ke werteyê şarî de pêrodayîş bivejîyo.
Şerafettîn Elçî vat ke Erdogan ro zon (ziwan), îtîqad û kulturê kurdan heqeret keno. “Şarê ma ke bî musluman, naye ra tepîya seba îslam zaf gureya. Hetta seba dîn, ma mesela xo ya neteweyî pey de verda. Labelê êndî ma wazenîme ke heqê şarê ma binê perdeyê dînî de mêro girewtene. Êndî wazenîme ke bi heqanê xo weşîya xo biramîme. Ma ke nika şonîme camîyê, uca (uza) vînenîme ke îmam îdeolojîya resmî ya tirkperweran vano. 1984 de înan îmamî hetê MÎT û dewlete ra ard, kurs dayêne ci û rusnay Kurdîstan. Ma îmamanê nîyanênan êndî nêwazenîme. Ma wazenîme ke îtîqadê ma êndî zonê (ziwanê) şarê ma ser o, yanî bi kurdkî bêro viraştene.”
Şerafettîn Elçî ra pîya sîyasetkaro kurd û namzedo xoser Altan Tanî kî da zanayene ke o nêwazeno ke camîyan de, dîn de sîyaset bêro kerdene. Roja bîyayîşê pêxamber Hz. Muhammedî de serekê dîyanetî Dîyarbekir de waşt ke milet seba şehidanê eskerîya tirke rawurzo, dima kî marşê Komara Tirkîya ame vatene. Altanî ra gore no nîya nêbeno, gerek şaro kurd camîyanê kemalîstan caverdo.
Di sîyasetkaran kî melumat da ke kurdan heta nika pê dîn îdeolojîya resmî ya tirkperweran ra zaf qesawet dî. Gerek şar naye qebul mekero.
Namzede kurdi serafettin elci televizyone haber turk de roportaje xode informawyone muhim da. Elci vat ke erdogan sare kurd nizm keno u vazenoke poredayis bibo.
Serfattin elci vat ke erdogan zone, kulture u itiqate kurdi heqeret keno. Elci niya vat “sare make bi musluman, neyra tepiya seba islam zof guriye. Hatta seba dini ma meselaya netewiye xo peyser est. Labele ma endi vazemeke ebe perdeye dini heqa sare kurdi mebiyo guretene. Ma endi vazemeke heka xoye ke heq dama heyate xo biramime. Ma nika ke some camiye uska vineme ke imam ideolojiye resmiye tirkist ane vatene. 1984 de inu imami hete mit, dewlet ard kurs kerdene, uskara rusna kurdistan. Ma endi imame niyanen nivazeme. Ma vazemeke itiqate ma endi zone sarre ma yani kurdki biyero virastene”
Serafettin elci ra piya altan tan ik ard zon ke cami de u din de endi siyaset nivazene. Roza biyayise peygamber hz. Muhammed de sereke diyanet diyarbekir de seba sehide eskere tirki vastoki dindar raurze, tepiya marse netewiye tirki amo vatene. No niya nibeno vat altan. camide endi sare kurdi camiy de imame kemalist niverdano.
Di siyasetkari vat ke ebe dini hata nika ideolojiye resmiye tirkist ra zof onit u endi ney niverdane.
