Keyepelê Wîkîleaksî ke seba îfşakerdişê dosyayanê nimiteyan meşhûr o, nika reyna aksîyonêde newe de  250.000 rîpelan ê dosyayanê dîplomatanê DYA ra 226 teneyî day weşanayene. Rîpelê bînî game bi game neşr benê. Tede firk, analîz û vateyê dîplomatanê DYA derheqê sîyasetkaranê welatanê bînan de yenê dîyene. Nîya parçeyêde girs ê sîyasetê DYA bellî beno ke seba têkilîya welatan dezavantaj o. Zafê welatanê dinya de jê (sey) netîceyê îfşakerdişê Wîkîleaksî ra krîzê dîplomasî vejîyay meydan.

Seba dewleta Tirkîya kî xeylê melumatê aktuelî estê. Kursat Tuzmen (wezîrê dewleta Tirkîya), mesela, hetê dîplomatê amerîkayijî John Kunsdadterî ra jê (sey) “merdimêde (mordemêde) rişwetwer” yeno name kerdene. Naye ra gore Tuzmenî tîcaretê petrolê Îraqî ra xeylê rişwet werd. O dîplomatêde Amerîka ra gore kî rastgir û radîkal o. Juna (yewna) nimûne de Bulent Arînç (asîstanê serekwezîrê Tirkîya) jê (sey) polemîkviraştox yeno musnayene, derheqê Abdulkadir Aksuyî (sîyasetkarê AKP) de vanê ke bi eroîn û çênekêda (kênekêda) cênce ra eleqeya xo esta, tede kî yeno zanayene ke yê lajê Arsuyî têkilîya xo bi mafya esta. Îddîaya ke zereyê AKP de dorê 60-80 parlamenterî estê ke terefgirê Fethullah Gulenî yê, kî yena dîyene.

Enfarmasyono ke giranîya xoya sîyasî de rolêde muhîm kay keno, o yo ke yê serekwezîrê komara Tirkîya Tayyîp Erdoganî Swîs de bi nimitkî heşt kontoyê bankayan estê. Henî yeno wendene ke Erdoganî xeylê pere nimitkî transfer kerdo bi Swîs. Dosyayan ra gore kî dîplomatanê amerîkayijan derheqê Erdoganî de vatê ke bawerîya xoya sîyasî zêde pête nîya.

CEWAB BIDE

Keremê xo ra şîroveyê xo binuse
Keremê xo ra nameyê xo binuse