Weçînitişê wekîlê BDP Hatîp Dîcle ra tepîya Dezgehê Berzî yê Weçînitişî yê Tirkîya (YSK) wekîlîya Dîcleyî red kerd. Hurendîya (herinda) Hatîp Dîcleyî de namzeda AKP Oya Eronat kuna perlamento. Xebera YSK ser o tayê şaristananê Kurdîstanî de protestoyî ca girewtî.

Dezgehê Berzî yê Weçînitişî qerarê xo ser o da zanayene ke seba ke Hatîp Dîcle cezaya hepisî yê propagandaya rêxistinade terorî ver der o, nêbeno ke parlamenter bimano. No serebût ser o Amed û tayê şaristananê bînan ê Kurdîstanî de protestoyî amey viraştene. Dîyarbekir de qerarê YSK giran ame protesto kerdene. Uca (uza) Aysel Tugluk, Ferhat Tunç, Altan Tan û tayê wekîlanê bînan bi hezar kesan ra çalakîya roniştişî kerd. Altan Tanî qisey kerd va ke “Eke namûsê xo estê, gerek wekîlê AKP yê Dîyarbekirî îstîfa bikerê. Oya Eronat mazbataya xo pesyer bido.”

Tayê pisporanê sîyasetî ra gore qerarêde nîyanên hedefê kanalîzekerdişê hêz û qewetê şarê kurdî yo. Nê gaman ra kurdî heqanê xo nêwazenê, wa sîyasetê refleksî dima şonê.

1 ŞÎROVE

  1. Her reye nîya kene. Ebe kurdî de qay kene, televîzyon de tîrkî qisey kene, kurdî teber de protesto kene. Tepîya vane ke dae nebîyo, qerar peyser oncene. Her reye nîya kene. Çaye heq bo beseniken fam kerîne. Mira gore kurdî endî tirkî ra raye xo bibirno. Wekile AKP ek ar bikero ke, nîya hervi mazbataye xo gureto. 

Comments are closed.