Ancîya (onca) bimbarekîya ju (yew) zîyara (jîyara) elewîyan ameye şikitene. Xebera rojnameya tirke “Birgün” ra gore şîrketê Tirkîya yê telekomunîkasyonî “Turkcell”î Dêrsim Pilemurîye dewa Saldakî de tumê zîyara (jîyara) Xizirî de ju (yew) îstasyon da viraştene.

Dewa Saldakî nika tal (tol) o, zafê dewijan hetê eskerîye ra amey bar kerdene. No semed ra muxtarî û dewijanê Pirdê Surî serra 2009 de seba viraştişê îstasyonî sermîyanîya Turkcellî rê tayê cayî musnaybî. Bitaybetî ame eşkera kerdene ke cayê bimbarekî jê (sey) zîyarî seba viraştişê îstasyonî munasîb nîyê. Labelê Turkcell pê pêşnîyazanê muxtarîye qayîl nêbî û bi zor ra payîzê 2009 de cayê zîyara Xizirî de ju (yew) îstasyon da viraştene.

Tumê zîyare bi (ebe) dozeran ame pan û rast kerdene. Tebîetê ucayî (uzayî) xeylê zerar girewt, jê (sey) nimûne, darê ke dormeyê zîyare (jîyare) der ê, amey birnayene. Nika seba elewîyanê ucayî îbadet mumkin nîyo.

4 ŞÎROVEYÎ

  1. Jü kokime ma vatene ke Tirki vazene ke rave raybere ma, sereke ma, sixe, seyide ma bikise. Tepiya ziwane ma, kultire ma destuna mara bicere. Eke ney qedena, peyniyede vane ke Tirk u Kurd biraye, niyade ferqe ma cîno, simak Tirki qesey kene, simak je tere maye.

    Dêrsim de terteleye kultur, ziwan u îtîkat dewam keno. Dewleta Tirk vazenoke, cike waxte Sey Riza de amo virastene, inu xirawin kero. Her cara emaneta Sey Rizay hesir kene. Sare Dersimik endi biyere xoser, qimete harde xo, jiyarune xo, ziwane xo, kulture xo bizone. Emaneta Sey Rizay vayir bîvejîye.

  2. ni tirku qefzilu, cae bin nidiye amey taa jiare made istasyon virazene, endi no provokasiono ciko nizon ama ju rasta esta ke cio nianen ma beceza niverdame!!!

  3. Ma kirmancu keyke pöre piya ameyme telewe,o vaxk ne tirk besenekene ciye viraze…ye zonene ma bime di letey,made kaykene…hen niya qarime,kifer qeme,zot dame…ma qereke berme telewe,endi na grupcen(grupculuk)beso..

Comments are closed.