Aksîyonê 24 seatî roniştişî yê Federsayonê Komelanê Kulturî ya Pîr Sultan Abdalî (PSAKDF) ke Kadikoy de ca cêno, duştê dersanê zordarî yê dînî de yeno viraştene. Seba destekdayîş, raver ra bi hezaran kesî amey pêser. Elewîyan ra dot ke na çalakî kenê, kî rêxistin û partîyanê KESK, BDP, EDP, ODP, EMEP, ESP û TKP va ke dest danê no aksîyon.
Nûmayîş bi pankartan jê (sey) “Seba heqê hemwelatîyênîya têduşte ma welatêde laîk û demokratîk wazenîme”, “Asîmîlasyon heqê merdiman (mordeman) o”, “Cemxaneyî îbadetxaneyê ma yê” ya “Dersê zordarî wedarîyê” dest kerd ci. Xeylê organîzasyonê elewîyan jê (sey) PSAKDF, Federasyonê Komelanê Elewîyanê Bektaşan ûêb. kotî (kewtî) ci.
Meydanê Îskele yê Kadikoyî de sema virazîyaya, dima serekê pêroyî yê PSAKDF Fewzî Gumuşî qisey kerd, va derbeya 12. êlule ra tepîya elewîyî îşkenceyê dersanê zordarîyan ancenê (oncenê) û AKP nê serranê peyênan de no îşkence kerdo tenêna girs. “Wa asîmîlasyon bi megafon ke dewanê elewîyan de wextê ezanî de beno, biqedîyo. Waştişê ma ha ya waştişê demokratîkbîyayîşî yo. Ma no waştiş seba kedkaranê kurdan û şaranê ke no welat de pelîxînê, kenîme berz.”
Qiseykerdişan ra tepîya hunermendê ke seba destekdayîşî beşdarê mîtîngî bîy, jê (sey) Ferhat Tunç, Pinar Sag û Tolga Sag, kilamê xo vatî û aksîyonê 24 saetî roniştişî dest kerd ci.
Tirkiya de hona meseley sere qankerdene, xapnene, tersdayeyis yene hal kerdene. Inura gore herkes Tirko, herkes Muslumano. Gerekeke peyniya ney bero. Elewiye u Muslumane Kurdi endi na bine ajiyara wejiye. Labele ez inam niken ke Tirkiya heqa ma dano ma. I hona dime xapneyis dere.
Di roze rawe jü roportajde rojnamegere fasist u tirkist Ertugrul Özkök vano ke, na mesela Kurdi endi bi qeseykerdis biyero hal kerdene. Labele perwerdiya yani wendegehe ziwane kurdide nibeno. Jü hetra vano, tifong beveng bimane, endi ma qeseykerime, dimera vano ke mara mekteve zone simade mevaze… Devleta eyik niyaro. Vane ma birayme hama jü heqe biraye xoye dismen nidane.
10 serre verd, na mesela sere masay niyame. Devlete sere waxt qay keno. Kurdi onca xapneno.
Elewîyî peynîya dersa dînî wazenê: Aleviler din dersinin sonunu istiyorlar
Ne anlama geldiğini anlayamadım.
Ez vana qey wazenê vajê, “Elewî wazenê dersa dînî wedarîyo” yanî “Aleviler din dersinin kaldırılmasını istiyorlar”.