“Tuncelî” bibo Dêrsim

2
343

Pêserameyîşê Parlamentoyê Pêroyî yê Şaristanê Tuncelî (Mamekîye) de pêşnîyaza ke nameyê şaristanî bibo “Dêrsim”, ame kerdene. Endamanê parlamentoyî qebul kerd ke gerek ke nameyê şaristanî bivurîyo.

Çiqas ke heqê parlamentoyê şaristanî çin o ke bi (ebe) xo name bivurno, parlamenteran da zanayene ke no waştişê înan bibo nimûne. Wekîlê partîya BDP Şeraffetîn Halîsî par ju (yew) waştişname de parlamentoyê komara Tirkîya ver de waşt ke nameyê Tuncelî bêro vurnayene bi Dêrsim. Heta nika no waştişname nêame qebul kerdene. Labelê parlamentoyê şaristanê Dêrsimî nêvindet, no waştişê xo ard zon (ziwan) û qebul kerd. No qerarê pêşnîyaza vurnayîşê nameyî hetê 14 endamanê parlamentoyî ra ame qebul kerdene. BDP ra 6, CHP ra 5 û partîya EMEK ra 3 endaman no qerar îmza kerd. Partîya AKP ra hîrê endaman nimûneyê vurnayîşê nameyê Dêrsimî îmza nêkerd.

2 ŞÎROVEYÎ

  1. ez na xewere ra zof sa bine…ma gereke cıke mara gurete,yine tirkuna peyser bicerme…

  2. Vurnayişe nameyé Tunceli zaf muhim niyo. Rew-herey no name helbet do vurino. Nıka tewr muhimi zıwan u kultur o. Gani şaré Dersimi né meselayan ser o bıguriyé.

Comments are closed.