Kanalo resmî yê dewleta Tirkîya “TRT 6” de programê musabeqaya kilaman bi kurdkî “Strana Xwe Bêje” (Kilama xo vaje) de cêncê kurdî bi veng û hunerê xo kilamanê kurdkî wanenê. Labelê hewteyanê peyênan de ame dîyene ke pêro kilamê kurdkî lete bi tirkî yenê vatene.
TRT 6 de programê musabeqaya kilaman de cêncê kurdî besenêkenê ke kilamê xo seranser bi kurdkî vajê. Her kilame de gerek leteyê ci bi tirkî bêro vatene. No qerarê TRT hetê hunermendanê cêncan ra yeno rexne kerdene. Planê TRT seba hunerê kurdkî jê (sey) dejenerekerdiş o. Bi na game TRT goreyê fikranê xeylê kurdan ra kulturê kurdan xirabin keno. Sîyasetê TRT aye ra qayîlê seyrkerdoxî û hunermendan nêşî. Seba ke kanalanê bînan ê televîzyonê Tirkîya de kilamê tirkî lete bi kurdkî nênê vatene, no jê (sey) neheqîye û sîyasetê cîyayîye yeno dîyene.
Dêrsim DEP ra kî rexneyêde nîyanên ame kerdene: “No program de domanê ma, cêncê ma vengê xoyo zelalî de kilamanê Kurdîstanî vanê. Vizêr vatêne ke zonê (ziwanê) ma çin o, ewro zonê (ziwanê) ma qebul kerd. Labelê hîna rast nîyê, hîna wazenê ke ma de kay bikerê. No nîya nêbeno. Her program de mexsus tirkî kenê têwerte ke zonê (ziwanê) ma rê heqeret kenê. Kilama Delîl Doganî ‘Canê Canê’ kî vate. No zaf ecêb o, wa Delîl Dogan hetê eskeranê înan ame kiştene û nika kilama ey ra duşte îdealê ey de propaganda kenê, kilama ey bi tirkî yena têwerte kerdene. Gerek TRT 6 ney, komelê ma wayîr ro kulturê ma bivejîyê. Zaf sînsî kulturê ma yeno dejenere kerdene.”
Xebere u resim zof rindek amo. Kamke inam keno dewleta Tirk ju roze pore heqena milete kurd dano, xo be xo xapneno. Tirkiya bi pore metodi vazoneke her ciye ma xirabin kero. Tena na Musebeqaya kilamu de ni, her programde trt 6 de maxsan tirki keno zere kurdki. Eke heniyo caye kanale tirkide ziwane ma zere kilamu yaki filmu cinekene. Hata ke sare kurd raye xo tirkuna ciya kero, na rejilen dewam beno.