Trendê û teknolojîyê dinyayê elektronîkî sinoran nas nêkenê. Fuarê teknolojî yê IFA de emser înovasyon û dîyayîşê neweyî yenê musnayene. Musnayîşo tewr balkêş hetê Samsungî ra ame kerdene. Komputera qijkeke sey saate ya kî televîzyonê dêvî ke xo kenê çewt û makînayê kincanê ke pê applîkasyonan gureyenê, eleqeya girse ante xo ser.
Înovasyonê serranê peyênan, televîzyonê HD û 3D (hîrê dîmensîyonal) na rey bî vîndî. 2013 de êdî marketê televîzyonan de UHD (Ultra High Definition) bala herînayoxan ancena. Ekranê televîzyonê bi sîstemê UHD bi 3840×2160 pîkselan yenê seyr kerdene. No payîz ra tepîya televîzyonê UHD bi fîyatê 4.000 Euro yenê rotene. Labelê DYA de erja nê televîzyonan dormeyê 1.000 Dollaran o, no semed ra serrnewe ra tepîya girewtene do bibo tenêna erjan.
Çîyo ke bala zîyaretkerdoxan nika ra ante, saata komputure yê Samsung bîte. Fîrmayê Kore Samsung bi modelê xo yê “Galaxy Gear″ saeta biaqile vate. Xebitnayoxî besekenê pê na saete telefon bikerê, Înternet de bifetilîyê, e-mail biwanê û bi kamara kî fotografan biancê. Fîrmayê komputuran Apple, Google û Sony sey Samsung serê nê trendî de gureyenê.
