Komara Tirkîya serra 2010 de statîstîkê SIPRI ra gore 15 mîlyarî Dollaran rê çekî herînay.  Emser Tirkîya na rey 20 mîlyarî seba butçeyê çekan plan kerd.

Pêro welatanê dinya serra 2010 de 1,6 trîlyonî çekî îthal kerd. Statîstîkê Enstîtuye Cigêrayîş û Aştî yê Stockholmî (SIPRI) ra gore DYA bi 700 mîlyarî Dollarî butçeyo tewr girs seba herînayîşê çekan nanê ro. Cayo dîyin de bi 119 mîlyarî Dollarî Çîn û cayo hîrêyîn de bi 60 mîlyarî Dollarî Îngilîstan o.

Tirkîya serra 2011 de jê (sey) serranê bînan kî eskerîya xo kena hêzdare. Emser butçeyê artêşe 20 mîlyarî Dollarî yo. Hetê ra planê AKP ra gore artêşêda taybetî bi 50.000 eskeran û heto bîn ra kî 10 mîlyarî seba jetanê cengî peyde bîy. Çar mîlyarî Dollarî sirf seba helîkopteranê Scorsky yê.