Astronoto uris Yurîy Gagarîn ewro ra 50 serrî raver jê (sey) merdimo (mordemo) verên şîybî feza. Bi ey ra însanî gama xoya verêne eştîbî asmên û nîya zanayîşê xo feza ser o kerdîbî hîra ke destpêkê îlmê feza bîyo.

Semedê serrgêra 50. yê vejîyayîşê Yurîy Gagarînî o 70 welatan de ame yad kerdene. Serekkomarê Rûsya Dimîtrîy Medvêdevî jê (sey) “mîsyonero şoreşger” yad kerd.

12. nîsane 1961 de Gagarîn însano verên bî ke pê roket şîyo feza. No kî serkewtişanê tewr girsan ê Yewîya Sovyetan (YS) ra ju (yew) yo. Naye ra raver  YS satalîto verên ê dinya rusnaybî asmên. Serra 1969 de kî DYA însano verên rusnay aşme ser.