Rojnameyê îngilizî “The Guardian”î no hewte serê meseleya Îraqî meqale weşanaye. The Guardian ra gore kurdê Kurdîstanê Başûrî sayîya sîyasetê xoyo biaqilî ra her serre tenêna benê hêzdarî û demêde nêzdî de şaristanê Kerkûkî ke tede zaf petrol esto, anê binê kontrolê xo.

Îraq de xeylê aşm ê ke hukmat nêame ronayene. Di partîyê ke weçinitiş ra hêzdar vejîyay, jubînî (yewbînan) de danê pêro, hetê de kî Îran-Sûrîye-Hizbullahî estê ke wazenê ke binê serekîya Nurî El Malîkî de ju (yew) hukmato pêt vera DYA de bêro ronayene. DYA no poştdayîşê îslamîstan ver a wazenê ke wa dormeyê Îyad Allawî de partîyêda bîne û hukmatêde xeyrê DYA de bêro ronayene.

Hedefê DYA yo ke Îran û Sûrîye Bexdad ra dûrî bifîyê, çike badê ke DYA eskerê xo serra 2011 de Îraq ra antî (ontî), gerek ke serkotişê îslamîstan Bexdad ser o mêro meydan. Eke bibîyêne, Îsreal bikotêne tehluke. Pêrodayîş werteyê Allawî û îslamîstan de partîyê kurdan rolêde zaf muhîm kay kenê. Partîya Allawî 91 teneyî û kurdan kî 57 parlementerî weçinitişo peyên de girewtîbî. The Guardian ra gore yê Allawî di opsîyonî estê, ya destûr dano ke Îraq bikuyo kontrolê Îranî ya kî girsbîyayîşê sînorê kurdan qebul keno.

1 ŞÎROVE

  1. Ez saben ke kurde basuri niya her serre yene xoser, hezin und qewetin. Ez wazenke bawer bikerine jü roze dewleta xok anera xoser.

    Ma kurde cor hona besenikeme ziwane xode perwerdiye bikerime. Kurdistane cerde wendegeh, parlamentoy her ci ziwane kurdiyo. Nikak Kirkukik cene, mak sabeme. Dersiminfo de jü xebere biye, jü wekile Kurdi parlamentode kurdki qesey kerdo. 80 serra tepiya ma neyde eleqe beme, nu aywo girso milete kurdo. Endi ik je tere Kurdi basur biyere xoser.

Comments are closed.