Dima ke teyaraya cengî ya artêşa Tirkîya hetê Sûrîye ra ame piranayene, mabênê Sûrîye û Tirkîya bî giran. Roja îne de teyaraya tîpê F-4 şaristanê Sûrîye Lazkîye ser o firîyaybî û hetê hêzanê sûreyijan ra ame ardene war. Tede di pîlotî estbîy.
Pisporan ra gore Sûrîye wayîrê sîstemêde seveknayîşê erd û hewayî yo. Yeno vatene ke jetê tirkan bi fuze ra ame piranayene. Depoyê Sûrîye de nê fuzan ra 100 ra zêde teneyî estê.
Heta nika pêro detayê serebûtî eşkera nêbîy. Hetê hukmatê Tirkîya ra ame dayene zanayene ke jet bêhemdîya xo ra kewt wareyê hewayî yê Sûrîye, Sûrîye ra kî vajîno ke piranayîşê teyara hêrişê nêbî, tena hereketê seveknayîşê sînoran bî. Wezîrê karanê teberî yê Tirkîya Davutogluyî ra gore teyaraya înan mîsyonêde espîyonajî de nêbî, teyara de çek-mekî kî çin bîyê.
Serebût ra dime sekreterê pêroyî yê MY Ban Kî Moonî va ke netîceyê nê serebûtî ey zaf kenê narehet. Ban Kî Moonî ardimê MY Tirkîya rê pêşnîyaz kerd. Ancîya, dewleta Tirkîya nika wazena ke NATO serebûtê piranayîşê F-4 de eleqedar bo.
(Resim: TheBusyBrain)
“Teyaraya Tirkîya hetê Sûrîye ra panîyaya” ??? yanî wazene ke vaje : Sûrîye teyaraya Tirkîya dê war o
”Sûrîya, teyaraya Tirkîya dê war o’ Yanê bertal wazeno vajo ke ‘Teyaraya Tirkîya, hetê Sûrîye ra panîyaya’. Bertal bira; mordem şikîno, ju vate, tewîr bi tewîr binusno, vajo, xem nîyo, maneyê xo ju yo. Weş bimane.
Seveta cevabî sipas kena. Faqat panayene=war o dayene? Mordem her ke napira (panayene?) war o nîdano, ez jede rind nîzonena ama zan kena ke tene nüans est o. Sipas.
Bira Bertal; Her zon de, tayê çekuyî, zaf maneyê xo estê. Ez nêzana ti kamejî zonê xerîban zanena, to ra numune bidêne. La Tirkî to ra numune bidî;
Çalmak- zaf maneyê xo estê (kapı çalınıyor- Hırsız çalıyor) gorê vateyî mane vurîno. Piraneyene-panayene-pirodayene. (Mi, kincanê domanî, kerd pira-Mi, palasê herî na pira (no, çîyêde bîn o) Panayene- (pirodayene ra dot, ebe çek pirodayene wa) Numune- pane!-yanê îta de, ebe çek pirodayene esto. Ebe girmike ‘danê piro’, ebe çek nanê pa’. ”Pane cigera mi pane’. ”Pirode cigera mi, pirode’. Xora tîyara ke panîyo, her hal ke gineno war o. (eke megino war o zî, canê to weş bo)))) Ti weş be, bira bertal.