Rejîsor Caner Canerîkî na fay kamera xo çarna îtîqadê Dêrsimî ser û bêşîrove bawerîya Dêrsimî sey dokumenter da musnayene. Seba ke Dêrsim hem hetê kulturî, ziwan û dînî ra hetê dewleta Tirkîya ra asîmîle beno, no fîlm delîlêde erjaye yo.

Serranê peyênan de “cemxaneyan” de ame musnayene ke elewîyîye hermeyêde îslamî yo, ya kî îtîqad tena bi tirkî ame viraştene ûsn. Bi no tewir bawerîya elewîyan pede-pede ame asîmîle kerdene. Tesîrê nê asîmîlasyonî no fîlm de yeno dîyene. Aye ra kî dot kokanê elewîyanê Dêrsimî ser o îmajanê balkêşan dano.

Hetê ra cêncê ke metrepolan de dînê xo cemxaneyan de musna, bi tirkî û binê tesîrê îslamî de duayanê xeriban kenê. Heto bîn ra kî kokimê ke bi kirmanckî minete kenê û kultur û îtîqadê baw û kalanê xo anê ra ziwan. No dokumenter de neslo kan û newe yê elewîyan muqayese benê. Eslê dîn çik bî, senî vurîya, Canerîkî anto kameraya xo.