Dokumananê neweyan ê erkanê pêroyî yê Tirkîya de melumatê neweyî jenosîdê Dêrsimî ser o yenê dîyene. Xebera rojnameyanê tirkan Star û Cumhuriyet ra gorê tayê dokumanê neweyî hetê erkanê pêroyî ra amey eşkera kerdene.
Nê dokumananê eskerîye ra gore Sabîha Gokçen seba bombakerdişê Dêrsimî xelatêda goynayîşî girewte. Bi no enformasyon îdîaya ke Sabîha Gokçen bombayê axûyinî Dêrsimî ser o eştî, ame tesdîq kerdene. Delîlê verên ê ke Sabîha Gokçen û pîlotanê tirkan bombaya bi giranîya 50kg eşte dewe û koyanê Dêrsimî.
Dokumanan ra gore madalyaya goynayîş bi beşdarîya Atatirk, Îsmet Înonu û temsîlkaranê dewlete ameye dayene bi Gokçen. Aye ra gore kî îdîaya ke xebera Atatirkî bombardumanê Dêrsimî ra çin bîye, xeripîyaye. Atatirkî seba bombakerdiş bi destê xo medalya daye Gokçen.
Dokumanê bînî ke arşîvê Tirkîya der ê, hîna nênê nas kerdene. Pisporê sîyasetî ra gore 1-2 rîpelê nemuhîmî weçinitiş ra ver hetê hukmate AKP ra sebebê avantajê sîyasî ra yenê neşr kerdene, çike wextê terteleyê Dêrsimî de partîya CHP hukmat de bî.
