Dewleta Sûrîye 48 serran ra tepîya halo îstîsnayî ke hetê rejîmê Baasî ra ameybî viraştene, nika dana wedaritene.

Goreyê ajansê xeberan a dewleta Sûrîye, paketê reforman ê serekkomar Beşar Esadî de kî madeyê esto ke halo îstîsnayî êndî wedarîyo. Naye ra Sûrîye de 48 serran ra dime qanûnê halê îstîsnayî bêro wedaritene.

Pê halo îstîstnayî rejîmê Sûrîye besekerdêne ke azadîya fikr, çapemenî û pêserameyîşî bibirno û xeylê hemwelatîyan, bitaybetî kurdan, eke heqanê xo yê demokrasî waştêne, bierzo hepisxane.

Xeyrê protestoyan ra vurnayîşê qanûnî beno nêzdî. Labelê texmîn beno ke hurendîya (herinda) qanûnê halê îstîsnayî de qanûnêde bîn bêro ronayene ke jê (sey) nimûneyê Tirkîya bi tewirêde resmî duştê terorî de bêro xebitnayene, la eslê xo de poştîya (piştîya) hukmatê çîpî bido.