Deyîrbazo namdaro kurd Şivan Perwer nêzdî de do seba kanalê televîzyonî yê dewleta Tirkîya TRT 6 ke bi kurdkî weşanê xo rameno, bigurîyo. Raver ra Perwerî zaf reyî îdîa kerdîbî ke nêwazeno seba TRT 6 bigurîyo.

Ju (yew) serre ra raver Şivan Perwer bi wekîlê partîya AKP ameybî têlewe û no proje ser o qisey kerd. Raver ra Perwer wazeno ke senfonîyêda popî bivirazo ke nîya konser ûêb. TRT ser o neşr bikero. Enformasyonan ra gore Şivan Perwer seba hemkarîya xo nêzdîyê 1 mîlyonî Dollarî cêno. Tayê pisporê sîyasetî kî îdîa kenê ke partîya AKP bi na game wazena ke weçinitişê 2011 de reyanê kurdan bicêro xo dest.

Verê, Şivan Perwerî vatîbî ke eleqeya xo bi TRT 6 çin a. Nika fikrê xo vurna û da zanayene ke TRT 6 de wazeno rakerdişê kurdan rê xizmet bikero. Ju (yew) otel de Perwer bi endamê AKP Bulent Arînçî ra ameyo pêser û qerarê xo beyan kerd.

Xeylê xeyranê Perwerî qerarê hemkarîye bi TRT 6 û AKP rexne kerd.

2 ŞÎROVEYÎ

  1. Nalo sherore ci. Jü serro reke her hete jür keno. Jü vat bi u trt cahso saso chiko, uska nigureyeno. Di roja tepiya na rae rojnameye tirkuna vat, u yeno Tikriya, tapiya onca inkar kerd. Niya jü serre de je tere dansöze xo carna bot u dot.

    Chi hefo ke, her mordem her qehraman, her serek phet u xirt weshiya xo niqedeneno. Sivan bî veng u kilamune xo xeyleye hazarî cencî rusnay bî kou. Nikak gonya înu ser trt sas de, kilamu virazono.

    SIVANA CHIKA, TI SEBA MI QEDIYA. MAYE MI NA SERRUNE XOYE KOKIM TORE VIJER HEN XEWERU VAT KE, MEHESNE. EZIK CD YE TIKE MIDE BI SIKIT NE EST NE. TI ENDI DINYA MIDE CHINA. DES BE SONO KOT SO!

CEWAB BIDE

Keremê xo ra şîroveyê xo binuse
Keremê xo ra nameyê xo binuse