Serrgêra 20. ya qetlîamê Sêwasî de bi des hezaran verê Otelê Madimakî de amey têlewe ke qurbanê qetlîamî yad bikerê û qetlîam lanet bikerê.

Çalakîya yadkerdişî ke hetê Komela Bektaşîyan a Elewîyan (ABF) û Komela Kulturî ya Pîr Sultan Abdalî ra organîze bîye, bi beşdarîye partîyanê sîyasîyan, sendîkayan û komelanê cîya-cîyayan vîyart. Pêro pîya 67 dezgehan destekê xo musna serrgêra Sêwasî ra. Bi des hezaran verê Otelê Madimakî de amey têlewe û sloganî sey “Ma xo vîr ra nêkerd, nêdanîme xo vîr ra kerdene!” eşt. Marş ra tepîya protestokerdoxî seba yadkerdişê qurbanê qetlîamî vindetî. Polîsî dormeyê otelî bi barîkatan ra çepel kerd.

Sîyasetmedar û temsîlkaranê rêxistinan esnaya protestoyî de qisey kerd, hukmat rexne kerd, qurbanî yad kerdî. Yeter Gultekin, cinîya Hasret Gultekînî ke Madimak de canê xo dabî, rexneyê panoyê zereyê otelî kerd û va “No tabela ser o nameyê qetilan nusînê. Caran û qet ca de nameyê qetil û qetilbîyayeyan têlewe nêamey nuştene!” Avûkate Şenal Saruhan ke temsîlkara keyeyanê qurbananê qetlîamî ya, zî va: “20 serrî yo ke cîgerê mayan veşenê.” Qiseykerdişan ra tepîya şar tepîya şî bi cemxaneyê Weqfê Haci Bektaş Welî.

Serra 1933 de Otelê Madimakî yê Sêwasî de 33 kesî hetê radîkal-îslamîstan ra ameybî kiştene.

 

CEWAB BIDE

Keremê xo ra şîroveyê xo binuse
Keremê xo ra nameyê xo binuse