Nê serranê peyênan de Tirkîya de xeylê awbendî amey viraştene ya kî plan kerdene. No semed ra şarê ke cayê ey de baraj bêro viraştene, xo eşt ver û protestoyî viraşt. Deryaya Sîyaye de no tersê protestoyî ra di fîrmayan qerarê viraştişê awbendan ra texelîya.
Platformê Biratîya Dereyan bi stratejîya xo Deryaya Sîyaye de serkote vejîya. Na rey avûkatê platformî mizgîne da ke viraştişê awbendanê Sarniç 1 û 2 ke qezaya Artvînî Borçka der ê, protestoyanê giranan ra dime yenê vindernayene. Semedê protestoyan ra fîrmaya Daglar Enerjî viraştişê awbendan îptal kerdo.
Qezaya Hopa de kî şîrketê Nett Enerjî da zanayene ke înan serebûtê komelan nêwazene û no sebeb ra qerarê viraştişê awbendê HESê Guneşlî ra texelîya.
Dêrsim de kî dewleta tirke wazena ke 12 awbendan virazo. Duştê protestoyanê şarî de viraştişê awbendan dewam beno.
Na xevera de rinde, bi protesteyi xirt di awbend ame iptal kerdene. No ma re yew nimune bivo, endi awbende ke hete Dersim de ame virastene bero vindarnayene. Gune ma endi heze xo bike me yew u verva na projeye xiravin bivindeme.