Seba herînayîşê kitabanê kurdkî, yew keyepelo newe ame rakerdene: e-Rûpel.
Înternet de cayê rotişê kitabanê kurdkî, bitaybetî kitabanê kirmanckî, tay ê. Nika yewna keyepel kewt fealîyet: e-Rûpel. e-Rûpel bi tirkî, îngilizkî û kurdkî (bitaybetî kirmanckî û kirdaskî) kitaban pêşkêş keno. Seke yeno zanayene, ewro rojnameyan ra zêde kitabî wanîyenê, çi esto ke resayîşê eseranê kurdkî hertim asan nîyo. e-Rûpel ceribneno ke nê problemî hel bikero.
Koordînatoranê e-Rûpelî ra Yakup Ugurluyî va ke “Vilakerdişê kitabanê kurdkî de hîna problemî estê, weşanxaneyî hîna verba problemê vilakerdişî de sernêkewtê. Ewro teknolojîya resayîşî zaf raver şîye la weşanxaneyanê kurdkî problemê xo hel nêkerd. Ma kî no nuqte de qerar de ke sîteyêde nîyanên rakerîme ke îhtîyacê vilabîyayîşî vîndî bo. Keyepelê ma hîna gama verêne der a û ma hîna gureyenîme ke raver şêro.”
Keyepelê e-Rûpel bi îngilizkî, tirkî, kirmanckî û kirdaskî yo: http://erupel.com/
