Weçînitişê parlamentoyê Tirkîya ra raver, Dêrsim de destekê şarî seba namzedo xoser Ferhat Tunçî roje bi roje beno zêde. Raver ra xeylê roşnvîr, hunermend û komelanê Dêrsimî dest daybî kampanyaya weçînitişî yê Ferhat Tunçî û deklarasyono têfek îmza kerdîbî, nînan mîyan de kî hunermendê namdarî jê (sey) Aynur Dogan, Mikaîl Aslan, Erdogan Emîr ûêb. estbîy (nîyadê lîsteya cêrêne). O deklarasyonê roşnvîran de ame nuştene ke “(…) şarê Dêrsim na AKP rê ke dişmenîya şaran kena, derse daye. Nika kî fekê CHP ke binkî bi reçeteyanê sexteyan dest nana kede, aştî, edalet û azadî ra, biveşo. Ma roşnvîr, hunermend û dostê Dêrsimî îlan kenîme ke dest danîme (…) namzedê xoserî Ferhat Tunçî.”
Îmzakerdoxê Deklarasyonê Destekdayîşê Ferhat Tunçî:
Ozgun E. Bulut (şaîr), Tewfîq Taş (şaîr), Mehmet Çetîn (şaîr), Şenel Gokçe (şaîre), Fadil Ozturk (şaîr), Huseyîn Ayrilmaz (cigêrayox), Nesîmî Aday (şaîr), Selman Yeşîlgoz (aktîvîst), Aynur Dogan (hunermende), Heval Alî (hunermend), Cafer Solgun (Cigêrayox û nuştox), Mikaîl Aslan (hunermend), Erdogan Emîr (hunermend), Ahmet Can Akyol (şaîr), Hasan Saglam (hunermend), Cemal Taş (Cigêrayox û nuştox), Ozgur Findik (rejîsor), Ergîn Dogru (nuştox), Çayan Demîrel (rejîsor), Erdal Cevîz (kaybaz û rejîsor), Îbrahîm Karakaya (aktîvîst), Alî Baran (hunermend), Cemîl Koçgun (hunermend), Mehmet Ekîcî (hunerend), Kazim Oz (rejîsor), Murat Işik (rojnamenus û nuştox), Can Kasapoglu (rojnameger), Erdal Er (rojnameger), Bakî Gul (rojnameger), Dogan Munzuroglu (nuştox), Haydar Işik (nuştox, serekê Cematê Newe ra Viraştişê Dêrsimî), Mesut Ozcan (cigêrayox û nuştox), Haydar Munzur (nuştox û serekê FEK), Haşîm Kutlu (cigêrayox û nuştox), Turabî Saltik (cigêrayox û nuştox), Emel Emre (endama ESM MYK), Guler Elveren (endama Tüm Bel Sen MYK), Erdogan Yalgin (cigêrayox û nuştox), Mesut Gerçek (serekê Komela Dêrsim yê Eyup-Alîbeykoy), Kemal Mutlu (serekê Komela Dêrsimî ya Îzmîrî), Nîhat Oz (endamê kongreya Komela Pêrtageyijan a Îstanbulî), Ayfer Ber (sereka Komela Kurmeşijan), Alî Ekber Oz (veterîner), Dr. Îbrahîm Mayda (fîzyoterapîst), Alî Matur (hunermend), Kîymet Cevîz (mişawira sosyale), Kamer Soylemez (rojnameger), Haşîm Şanli (mişawirê malîye), Pinar Yildiz (hunermende), Îsmaîl Parmaksiz (aktîvîst), Îlhamî Erdogan (karîkaturkêş), Husnu Cavus (nuştox), Turan Salgar (mihendis), Alî Tas (rojnameger), Mustafa Elveren (malimo teqawitbîyaye û nuştox), Zeynel Gul (nuştoxe), Haydar Uc (nuştox), Sanem Erdîl (arkeologe), Alî Catakcin (nuştox), Nîyazî Oztaş (endamê Yek-Komî), Emrah Tuncer (plankerdoxê şaristanî), Ahmet Uren (delegeyê heyetê berzî yê Dedefî), Gursel Düzen (endama kongreya sermîyanî ya Komela Pulurijan a Îstanbulî), Ekrem Yeter (sekreterê Komela Pulurijan a Îstanbulî), Celal Sakyen (endamê Komela Dêrsimijan a Kaxitxane), Şukrî Yildiz (rojnameger), Îbrahîm Yalgin (malimo teqawidbîyaye), Dîlara Biçakçi (endama kongreya sermîyanî ya Komela Dêrsimijan a Îzmîrî), Hasan Alî Kiliç (endamê kongreya sermîyanî ya Komela Dêrsimijan a Îzmîrî), Huseyîn Ozan (endamê kongreya sermîyanî ya Komela Dêrsimijan a Îzmîrî), Denîz Sarikaya (endamê kongreya sermîyanî ya Komela Dêrsimijan a Îzmîrî), Mehmet Yavuz (endamê kongreya sermîyanî ya Komela Dêrsimijan a Îzmîrî), Bulent Çetîn (endamê kongreya sermîyanî ya Komela Dêrsimijan a Îzmîrî), Ezgî Kasun (avûkate), Yaşar Kilavuz (endamê kongreya sermîyanî ya Komela Dêrsimijan a Anqara), Alî Mutlu (endamê kongreya sermîyanî ya Komela Dêrsimijan a Anqara), Leyla Akyildiz (endama kongreya sermîyanî ya Komela Dêrsimijan a Anqara), Huseyîn Gungor (endamê kongreya sermîyanî ya Komela Dêrsimijan a Anqara), Huseyin Tuluk (sekreterê Komela Pêrtag a Îstanbulî), Hayrettîn Kaya (endamê kongreya sermîyanî ya Komela Pêrtage ya Îstanbulî), Murat Onay (endamê kongreya sermîyanî ya Komela Pêrtage ya Îstanbulî), Azîz Oz (endamê kongreya sermîyanî ya Komela Pêrtage ya Îstanbulî), Şiwan Kirmiziçîçek (endamê kongreya sermîyanî ya Komela Gebze ya Îstanbulî), Alîhaydar Gurbuz (sekreterê Komela Kurmeşijan), Xidir Gunerî (mîkrobîyolog), Hasan Aslaner (karmend) Alîriza Bîlîr (serekê Tudefî)
Fayna, hîrê pîlanê Dêrsimî roportajê xo bi ajansê xeberan DIHA de eşkera kerd ke poştîya (piştîya) Ferhat Tunçî danê. Nînan ra ju (yew) Welî Ataç o. Ataç serra 1977 de binê hukmatê Bulent Ecevîtî de serekê beledîyaya Dêrsimî bîbî, wextê darbeyê eskerîye de wezîfe ra ame girewtene, nika 75 serrî der o. Welî Ataçî va ke rayê dêrsimijan seba CHPya ke zemanê xo de terteleyê Dêrsimî û ê elewîyan viraşto, çin ê. Derheqê dêrsimijan de va ke “şar o ke wextê osmanîyan ra bi nat hertim binê asîmîlasyon, înkar û teda de mendo. Dewlete zon (ziwan) û îtîqadê nê şarî kerdo qedexe, dem bi dem qetlîamî viraştî û vîyarteyê nê cograyfa kerde pirr dej û derd. Çîyêde balkêş o yo ke nê qetlîamî binê hukmatê CHP de amey viraştene. Bitaybetî serra 1921 de Qoçgîrî de, 1927 Çemişgezek de, 1930 Erzingan de û serranê 1937-1938 de kî pêro Dêrsim de qirkerdişê girsî amey viraştene. Çîyêde enteresan kî o yo ke dêrsimijan hetta demê zafpartîye de kî rayê xo day CHP.
- Pîlê Dêrsimî dest danê Ferhat Tunçî
Bitaybetî serra 1984 ra tepîya, cografyaya kurdan de dewî amey tal kerdene (tol kerdene). Însanî bi zor ra koç bîy. Ewro 4.000 dewî tal (tol) ê, hîrê û nêm mîlyonî kesî waroşanê şaristanan der ê. (…) Pekî, sireyo ke nê 4.000 dewî ameyêne tal kerdene (tol kerdene), birrê ma ameyêne veşnayene, însanî çêyanê (keyeyanê) xo ra bîyênê, CHP duştê nê zulmî de bêveng menda naye qebul kerda. (…) Ma caran partîye rê ke hende dej dayo komelê ma, ray nêdanîme. Wezîfeyê ma însananê ke bi hende dej û qesawet reşt serranê xo, na yo ke raya raşte bimusnîme şarê xo. Coka wexto ke milet şono sandiqan, gerek pêro nê çîyan xo vîr ra mekero. No sebeb ra gerek Ferhat Tunço ke îtîqad, zon (ziwan) û kulturê xo ra nêvişîyo, xeylê ray bicêro.”
Pîro dêrsimij Huseyîn Katurman kî semedê wayîrvejîyayîşê elewîyan dest dano Ferhat Tunçî vano: “Şarê Dêrsimî ancax bi xoserîya demokratîke şikîna problemanê xo hel bikero. Xora Ferhat Tunçî çar goşeyê na dinya de wekilîya Dêrsimî kerdîbî. Lajê Mizurî Ferhat do pêro problemanê Dêrsimî bêters bîyaro rojeva parlamentoyî (…). O hesabê qetilanê ke pîr, doman û cinîyê ma qir kerdê, pers bikero. Ferhat do îtîqad, zon (ziwan) û kulturê Dêrsimî bîyaro parlamento.”
Ser o kî, Alî Haydar Kuluyî ke 40 serrî CHP de sîyaset kerdo, raya xo na rey dano Ferhat Tunç. “Ez 66 serrî der a, 40 serrî mi CHP de sîyaset kerdo. (…) Qiseyê Onur Oymenî ra tepîya mi partî ra îstîfa kerd û vîyart bi BDP. Ez nika destek dana namzedo xoser Ferhat Tunçî, çike o pêro taybetmendîyanê Dêrsimî bar keno. (…) Nika wekilîya Ferhat Tunçî pêro Dêrsim rê bixeyr bo.”
Alî Xidir Sahîn kî pîlo dêrsimij o û vano ke “Çend serrî yo ke CHP bi rayanê şarî parlamento der a. Ma çi hukmat o ke adirê çêyê (keyeyê) ma dardo we. Wexto ke qetlîamê Şêx Saîd, Dêrsim, Çorûm, Mereş û Sêwasî amey viraştene, hukmatê Komara Tirkîya CHP ramitêne. (…) Ma hîna CHP ra tersenîme. Gerek dêrsimijî çîyo bikerê ke şikîno ro înan, mi ra gore Ferhat Tunçî ra qederî kesî rê ray medê. Rayanê partîyanê sîstemî ma rê sirf hesir û dej ardî.”
