Zîyara (jîyara) Ap Ezîzî ya ke qezaya Semsûrî de nêzdîyê dewa Şexmîrî der a, jê (sey) her serre emser kî hetê da-hezar elewîyan ra ameye zîyaret kerdene. Elewîyan uca (uza) de têfek ra duayî wendî û sema girewte.

Ap Ezîz ju (yew) pîr eşîra axucan ra bîyo û 46 serrî raver şî heqîya xo. Seba yadkerdişê weşîya xo o ju (yew) tum de ke nêzdîyê Şexmîrî der o ameyo wedardene. Mezela ey her serre hetê kirmancan ra yena zîyaret kerdene. Na ray namzedo xoser û pîro elewî Welî Buyukşahîn kî şîyo dîyarîya Ap Ezîzî.

Esnaya zîyaretî de qurbanî amey birnayene û vila kerdene. Bi kilam û minetanê kirmanckî cem ame girê dayene. Peynîye de Afyer Duztaş bi kirmanckî û kurmanckî (kirdaskî) kilamî vatî.

 

1 ŞÎROVE

  1. Kirmanckî de 2 sufîksê zafhûmarîye estê: -î, -an
    Çekuye halo sade de tim bi sufîksê “î” bena zafhûmar.
    Labelê halo ante (oblîk) de sufîksê “-an” gêna.

    Cumleya “Ap Ezîz de hezar kesan sema ante” halê sadeyî de ya.
    Coka ganî sey “Ap Ezîz de hezar kesî sema ante” binusîyo.
    Heto bîn ra, nêkeweno mi sere ke “sema biancîyo”, yanî ez vana “sema nêancîyena”.
    Ez vana, “sema yena girewtene”.

    Kurdî caran nêvanê ma “govende ante”, ney, vanê “ma govende girewte.”
    Ez vana qey no antiş “çekmek”ê tirkî ra gêrîyayo.
    Seke vajê “halay çekmek”.
    Ez vana rasta sernuşteyî ganî wina bo:
    Ap Ezîz de hezar kesî sema girewte (gurete)

Comments are closed.