Fedor Lytkîn 2. tebaxe 1897 de Rûsya de ameyo dinya û lajê çêyêde (keyeyêde) êzîdîyê kurdî bîyo. Fedor Lytkîn emrê xoyo kilmek de Sîbîrya de kot zereyê hereketê komunîstanê sovyetan û bî endamê Partîya Komunîstanê Rûsya. Teşrîna 1918 de 22serrîya xo de hetî rastgiranê urisan ê artêşa sipîye bi pêro hevalanê xo ra ame kiştene.
Dewa Fedor Lytkînî nêzdîyê Erîwanî de bî, nameyê dewe Digora Xirab bî. Pîyê xo Agit Polatbekov hetê artêşa Erîwanî ra ame surgun kerdene bi Sîbîrya. Agit weşîya xo şaristanê Sîbîrya Îrkutsk de ramitêne. Uca (uza) de Agit rastê Anna Lukyanov bîyo, cinîkêda rindeka urise. Agit Polatbekov û Anna Lukyanov zewijîyay. Ê înan çar domanê xo, Fedor, Marî, Ana û Vasîlî estbîy. Lajê înan Fedor Matveyev Lytkîn 1897 de Îrkutsk de ame dinya.
Xeribîya ra tepîya Agit cinî û zav-zêçê xo girewtî cêra ra dewa Digora Xirab. Domanê xo uca (uza) kultur û tradîsyono kurd musay. Dima, Fedor way û maya xo ra pîya şî peyser bi Îrkutsk. Fedor şî kolej û tepîya lîseya Îrkutskî. O wext kitabê Puşkîn, Lermontov, Nekrasov, N. Çernyşevsky Belînsky, Gorkî ûsn. wendêne. Her wisar Fedor şîyêne leyê pîyê xo. Yeno zanayene ke Fedor îtîqad û zonê (ziwanê) xo ra nêvişîya. Pîyê xo ey ra Feriq vatêne. Fedorî kî nuşte û şîîranê xo de nameyê xoyo kurdî Feriq Polatbekov xebitnayêne.
Fedor demê ra dime bi hevalê xo Panteley Parnyalovî ra pîya kot hereketê bolşevîkan û ju (yew) kovara bi nameyê “Karê ma” vete. Na kovare de xeylê nuşteyê Fedorî amey weşaneyene. Rîyê na kovare ra kî Fedor mektebê xo ra bîyo û badêna kot zereyê Partîya Komunîstanê Rûsya.
Badê ke Rûsya de şoreşê sovyetan ca girewt, Fedor Îrkutsk de sovyetî organîza kerdî. Serekê sovyetanê Îrkutskî hevalê ey N. N. Yakovlev û jê (sey) hetkar kî Fedor amey weçînitene. 14-16. adare 1918 de pêserameyîşo çarin ê pêro sovyetan Moskova de ame viraştene. No kombîyayîş de O. Yakovlev, S. Lazo, B. Ryabîkov û Fedor Lytkîn beşdar bîy. Uca (uza) de Fedor Lytkîn bi Lenînî ame têlewe.
Seba ke hêzanê kontra-sovyetan, artêşa sipîye, Sîbîrya arde binê kontrolê xo, Fedor û hevalê xo kot herbê gerîîka û Sîbîrya de duştê artêşa sipîye de day pêro. Koordînasîyonê Sîbîrya Fedorî kerdîbî. Serra 1918 de kampê de Fedor Lytkîn, bi nameyêde bîn Feriq Agitovîç, bi pêro hevalanê xo ra ame kiştene.
Eke ju sar ke dewleta xo çinebi nasnameye xok çino.
Fedor Lytkin Urusya de zof namdaro, labele çi hefyo ke her kes ey Uris zoneno.
Yasar Kemal zof namdaro, her kes ey Tirk zoneno.
Yi,maz Guney namdaro, u medyaye dinyade je tirk beno nas.
Ni numuney hen zofeke, mirdem sas beno.
Çi hefyoke siyasetkare kurd dime tirkuna paye xo nivurrnene. Hata ke milete kirmanc xoser nebi, mordem yaki milet nibeno.
Подчерпнула в этой статье для себя очень полезную информацию. Приятно знать, что в истории России имели место такие личности как Федор.
Однако жаль, что в наши дни таких людей в Рф “днем с огнем не ссыщещь”…