Ez wazena nê nusnê xo de, qalê nê dı çekuyan bıkeri. Çı ke, zê zaf çekuyan (keliman), nê dı çekuyi ki gorê mı, hêlê tayê wendoxan ra, zelal nênê fam kerdene u manê ninan kenê têmiyan.

Rındiye- (İyilik)

Rındekiye-(Güzellik)

Gorê nêri u maki ke ma kar biyame;

Nêri ra tayê numuneyi;

Ju(yew)humar;
No mordem rınd o-(Bu adam iyidir)

No mordem rındek o- (Bu adam güzeldir)

No kıtab rınd o- (Bu kitap iyidir)

No doman rındek o- (Bu çocuk güzeldir)

No astor rınd o-(Bu at, iyidir)

No astor rındek o (Bu at, güzeldir)

Maki ra tayê numuneyi;

Ju(yewe)humar;

Na K(Ç)êneke, rınd a-(Bu kız iyidir)

Na Cênıke rındek a-(Bu kadın gğzeldir)

Na şuke rınd a (Bu şehir, -şehir merkezi- iyidir)

Na şuke rındek a (Bu şehir, -şehir merkezi- güzeldir

Na mayine, rınd a (bu –dişil- at iyidir

Na mayine rındek a –(Bu –dişil- at güzeldir)

Nusnê zafhumari de, se ke zanino, zafhumar u ju(yew)humar, ferq nêkenê.

Numune;

Nê domani rınd ê- (bu çocuklar iyidirler)

Nê cêniki rınd ê -(Bu kadınlar iyidirler)

Nê domani, rındek ê (Bu çocuklar güzeldirler)

Nê cêniki rındek ê- (Bu kadınlar güzeldirler)

(Tayê cayan de, ‘rınd’ ra vanê ‘Hol’.Gorê mı, kokê na çekuye ‘hewl’ ra yêna. Hewl; Manqul, rınd(Makul, iyi)

Numune ra dewam bıkıme, letê bınusnıme;

‘’Eyşane porê xo hene kerde. Rengê pori, tayê sur, tayê beleke biye, hata miyani derge biye. Her sodır ke şane kerdêne, o poro belek heni rındek biyêneke, mordem qemiş nêbiyene qayt bıkero.

Ma o laceko ke namê xo Hesen bi? Wi Xızır! No lacek heni rındek bike! Tı vana rındekiya na dınya, Xızıri da bi êy.

Piyê xo, mordemê de rınd bi. Mabênê inan u ciranan ki zaf rınd bi.

Cênika rınde ra, xêr est a. Camêrdo rınd ra, xêr est o.

Rındiye ra, rındekiye vecina.

Tayê kesi est ê, rındek ê, hama rınd niyê. Rındekiye tenya çıka ke! Mordem gereke verde rınd bo.’’

NB-Ma ke fırsend bıvênıme, gege derheqê tayê çekuyan ra nusnenime.Wendoxê ke nusnê ma de xeta u şaşiye vênenê, ya ki çiyo ke fam nêkerdê est o, ma ra kıfş bıkerê, ma zereweş benime.

İlhami Sertkaya

9-3-2010

Nuşteyo peyênQEY TENYA 8 É ADARE?
Nuşteyo verênIlhami Sertkaya – EZ U MAYA MI
Îlhamî Sertkaya
Îlhamî Sertaya Çewlîg ra yo. Dewa xo Pîrcan (tirkî: Adaklı) girêdayeyê Azapêrtî yo. Perwerdeyê xo Îlhamî Sertkaya enstîtuya malimî ya Çewlîgî de dî. Serranê 1970-1980 de malim bîyo, 1982 welat terk kerd û şî Ewropa. Îlhamî Sertkaya ewro nuştox o, kitabê ey hem bi tirkî hem kî bi kirmanckî û kurmanckî (kirdaskî) estê. Hîrê reyî endamê jurî yê Xelata Edebîyatî ya Huseyîn Çelebî bî. Giranîya eseranê Îlhamî Sertkayayî şîîr û roman ê.