Xeylê aşm ê ke Tirkîya û Kurdîstan de xeylê mîtîngî amey viraştene, xeylê qeseyî amey kerdene û no wisar hederîya însanî rind ame. Netîceyê raydayîşê referandumî vurnayîşê qanûnê bingeyî ser o no yo ke Tirkîya de 57,9% yê hemwelatîyan “heya” û 42,1% vat “ney”
Weçinitoxanê kurdan ra leteyê no referandum boykot kerd, labelê ancîya (onca) hema-hema pêro miniqayanê Kurdîstanî de rayî bi (ebe) “heya” vejîyay. Teyna Dêrsim de faktorê Kiliçdarogluyî hesabê boykotî û erêkerdişî tenê kerd têwerte. Dêrsim de 80,8 % bi “ney” raya xo daye.
No referandum de partîya kurde BDP bi boykotê xo hetê qebulkerdişî yê AKP kerd û seba weçinitiş ke serrna virazîno, avantajêde girs xo rê girewt. Hetê “ney” sey (jê) partîya CHP, no netîce ser o zaf şaş mend. No netîce seba bîyayîşê demokrasîya Tirkîya rind ame û çapemenîya dugelan de kî reaksîyonêde rind girewt. Heto bîn ra kî hetê şarê kurdî ra sînyalêde girs o ke na mesele teyna bi kurdan yena hel kerdene. Gerek AKP û BDP bi no netîce meseleya kurdan weçinitişê serra peyêne de masa ser çareser bikerê.
