Ez sere de naye vacî û henî dest bi nuşteyê xo kerî. Çi heyf ke raya mi çin a ke ez raya xo biderî birêz Demîrtaşî. Herçiqas ke ez na heqe ra mahrum a kî la ez oncîya kî birêz Demîrtaş rê zere û can ra serkewtene wazena û rayîrê to akerde, roja to sipîye bo!
Hîrê namzedanê serekkomarê Tirkîya ra ju kî birêz Selahettîn Demîrtaş o. Naye ra çend aşmî aver mi birêz Demîrtaşî rê ju mektuba yakerdîye nuştbî. Na mektuba xo ya akerdîye de mî tayê gerre û gazîye xo birêz Demîrtaşî de kerdbî. La herçiqas ke ma cewabê nê gerre û gazîyê xo birêz Demîrtaşî ra nêguret kî, ma oncîya kî nê weçînitişê serrekkomarî de bi can û bi royê xo leweyê birêz Demîrtaşî der îme.
Seke yeno zanitene, Tirkîya de reya verên a ke serekkomar hetê miletî ra yeno weçînitene. No weçînitişê serrekkomarîye de namzedê AKP Recep Tayyîp Erdogan, namzedê CHP-MHP Prof. Dr. Ekmeleddîn Îhsanoglu (nika zonê mi nêcereno ke ez nameyê nê mordemekî vacî) û namzedê HDP kî Selahettîn Demîrtaş o.
Namzedê AKP Recep Tayyîp Erdogan
Des û di serrî yo ke nê vampîrî feqir û fuqareyî de gonîye kerda ziwa. Des û di serrî yo ke no dîktator miletî ser o zulm vay dano. Des û di serrî yo ke nê zulmkarî Tirkîya talan kerda. Des û di serrî yo ke no fasad fasadîye keno werteyê miletî. Bi fitne û fasadîya nê mewranî û mewranan ewro Rojhelato Mîyanên de herbêde zaf xedar dewam kenê. Her kes êndî dek û dolabanê nê vampîrî, fîtne û fasadîya nê dîktatorî, fikr û ramanê nê zulmkarî, qilêr û gemarê nê mewranî rind zano. Mordem ke bi ju çekuye nê bîyaro ra ziwan, na kî cekuya minafiqî bi xo ya.
Namzedê CHP-MHP Ekmeleddîn Îhsanoglu
Ez bawer kena kes honde namzedê CHP-MHP rind nas nêkeno. Yanî Ekmeleddîn Îhsanoglu kam o, kotî ra amo, çik o çitaba wo? Kes honde rind nêzano. Nika Ekmeleddîn Îhsanoglu kotî ra amo û şono kotî, îta vindo, la şarê ma naye rind bizano ke ferqê Îhsanoglu û ferqê Erdoganî çin o. Yanî ha Erdogan, ha Îhsanoglu. Vace hela rind ke CHP rê tarîye ama, ez CHP ver nêkuna, kuna şarê man o ke raya xo beno dano CHP-MHP ez kuna înan ver.
Ma vame nêvame ke oncîya kî şarê ma CHP dime xo helak kerdo. Ma kume ra şarê xo ver, ma CHP ver nêkume. Wa vilê CHP binê CHP ra bo! Hur dîmena partî CHP û MHP kî dişmenê gonîya aj û amênê ma yê. Miletê ma nînan ra çiqas dûrî vindero, honde kî heq ra beno nêzdî.
Namzedê HDP Selahettîn Demîrtaş
Ez se vacî kî seba birêz Demîrtaşî şenik o, çunke Demîrtaş mordemêde masum û pak o. Her waxt leweyê miletê bindestî de cayê xo gureto. Her waxt leweyê miletê masumî de cayê xo gureto. Caran firqe, fîtne û fasadîye wertê însanan nêkerda. Qedr û qîymet do însanetîye. Kar û xebatê xo kî naye ser o yê. Birêz Demîrtaş seba miletê elewî kî, seba miletê kurdî kî, seba miletê tirkî kî, seba miletê armenî kî, seba miletê çerkezî kî, seba miletê lazî kî… seba her kesî kî juyane adelet, heq û huqûq wazeno. Seba biratîyêda hewle virana xo her kes rê kerda ya. No sebeb ra kî no weçînitişê serekkomarî seba miletanê bindestan ju firsend o. Birêz Demîrtaş nê weçînitişê serekkomarî de ke %10 cor ray bicêro kî, seba ma qezenc o. Ma oncîya kî nê weçînitişê serrekkomarî de bi can û bi royê xo leweyê birêz Demîrtaş der îme û rayîrê to akerde bo birêz Demîrtaş!
Siyaseta Kurdan rind giredane siyaseta tirki. Na dewleta qirrkerdox asimilator serkomariye kare kurdan niyo. Cutir beno ke siyaseta Kurdi ju dewleta ke 38 de deshazaran insane ma qirrkerdo, honde gonya Armeniy kuto ci, Qocgiride, Agiri de, her caye Kurdistan de honde qetliam kerdo, sune. Siyaseta Kurdi qediya, prensibe u hedefe xo kerdo vind. Hatip Dicle neyre misale rindeko. Na siyasete endi iye ma niya… Siyasete ke qetlkerdoxe xora heskeno, neweso…
‘Rayîr rakerde wo’ bira Wusên! Xet xem meke, rayîr, entegrasyon o!
Birêz îlhamî Sertkaya û birêz Dêrsim,
Helbet herkes fikrê xo vatene de azad o. Xora her însanî kî cîya cîya fikîrîno û no kî fikrê şima wo û fikre şima re kî vatena mi çîn a.
La, ewro sîyaseta kurdan qedîya, yakî nê qedîya na babete ser o gere bêrone qesey kerdene. Tayê çîye ke wertê dewlta Tirk û Öcalan (Apo) de dizdîya êne qesey kerdene, wa êndî nê çî eşkera berenê qesey kerdene ke ma kî bizanîme ke gore naye raye ra şîme. Ez kî taye çîyan de hemfikira, çunke bi serra no ke binê zaf şertanê giranan de mucadele kerde, fedekarenî kerde… Na dawa de bi hezaran însanî şehît kewtî, bi hezaran însanî welatê xo ra surgin bî, bi hezaran însanî hepisxanan de emre xo da… Naye ra gore kî kesê ke bi dewleta tirkî pîya nîşenê ro û pîya qerara cenê, wa êy kesî kî naye rind bizanê…
‘EZ KURDAN, ZÊ MÎMAR, DEWLETA TİRKÎ GİRÊ DANA’vano Ocalan! ‘Dizdî-mizdî çîn o bira wusên! Henî zî keno. Çi fikir û mikir o? Plan no wo, qise qedîyo. Her kes bi aqilê xo.
Kes ebe aqilê mi nêşikîno kay bikero. Xorê kam bi aqilê kamî kay keno, mi ra muşgulat nîyo. La ez tenya şikîna naye vajî; Çİ HÊYF!
Cumleya corî kemî nusîya reyêne binusnî ez ‘EZ, KURDAN ZÊ MÎMAR, DEWLETA TİRKÎ RA GİRÊ DANA’
Keko îlhamî, kurdî kî wa mezgê xo bicerê sare xo û hênî raye ra şorenê. Serok serok vanê, serok bîla raxelesîyena xo kewto. Tewr çîye xemê êy de nîyo. Ma bîla sebe sarê xo dejneme, a ke bîye miletê feqîr û hesîr re bîye. Çi heyf vaje ke veng meke.
To rast va bira wusên. Seba ke ma muridîye qebul nêkerd bîme şoreşvan. Nika muridîye, bi nameyê ‘sosyalîs û modernîye’!danê kerdene.No plan, ebe dewleta Tirkî virazî yo. Şarê ma cefa ant, ‘tayê ma’! Sefa. Her kes her çî zaneno!Menfaat, fekê wîcdanê tayîne birneno, keno lal!Şanika lalan çîn a.Ma no hondayê însanî qey şehîd bîyî? Seba paşa bîyena Hesen û Husênî? Şarê ma, zaf xirab xapîya, zaf!Kay,hîna dewam keno!Hem zî verê çiman de, zelal, eşkera!
Keko Îlhamî,
xora mi no husus de nayera ver nusteyê xoyê “Serekê BDP Selahattin Demirtaş rê Mektuba Yakerdîye” de taye çî ard bî ra ziwan û nîya nusnaybî :
“… Mi ra gore şarê ma no Kirmanc, na mucadele de game kî ravêr bî. Hondawo ke dest ra ame kî xo pêyser nêguret û verba nêheqîyenîya zulm kar de zere û can ra mucadele kerde, roje kî na dawa re bêbextîye nê kerde. Bi di destan nê, bi çar destan na dawa ser o virana xo arde pê û hona kî anê pê. Na raya azadîye de emrê xo, cuya xo, canê xo, … feda kerd û hona kî feda kenê.
Nê fedakaran, bi rojan û aşman, bi deman û serran ko û warê Kurdîstanî xo re mekan guret û pûk û pukelaka zimistanî nêvate, şîlî û şepelîya wusar nêvate û bi dişmenê zulm karî seba azadîya welat û miletê xo cenk kerd. Şewa tarîye de kemera huşke xo re ge berzîn, ge-gane kî xo re sîper gurete…”
Her kes kî rind zano ke na dawa de xort û azebanê ma cefa ant, êy bînî kî amay qina xo ser ro nîştro û sefa ant. Raşte na wa û kesî kî naye înkar mekerone.
Yan Kurdistan yan Kurdistannnnnnnnn…
Çîyê bînî eleqeyê ma nîye…
Ebe bosta Xizirî, Zerdest, Heqî ju roze ma reseme armancê xo…
Ju roze…
Ju roze…
Ebe gimayîsê asmen..
Ju dewleta bimbarekan…
Ju dewleta hereyan…
Ju dewleta biliskan…
Yeno ronayis…
Ju roze..
Tena ju roze…
Tepiya jureyen…
Yeno parçe û parçe…
Ey Miletê Be Milet,
Heta Tû Nebî Milet,
Tû Nabî Dewlet
Ehmedê Xanî