Serekê Yewîya Niştîmanî ya Kurdîstanî (YNK) û serekkomarê Îraqî Celal Talabanî ke da-di serrî Almanya de tedawî dîye, nika êdî cêreno ra welatê xo Kurdîstan.

Hetê buroyê çapemenî yê YNK PUKMedîa ra ame dayene zanayene ke lajê Talabanî Kubatî va ke pîyê xo besekeno Almanya ra racêro bi Kurdîstan. “Weşîya serek Talabanî ca der a. O cêreno ra welatê xo”, ey va. Vilaweka YNK de kî ameye nuştene ke Talabanî cêreno ra wezîfeyanê xo yê sîyasîyan.

Celal Talabanî 18. kanûna 2012 ra bi nat semedê gonîameyîşê mezgî ra nêweşxaneyê Almanya de tedawî dîya.