Playboyê playboyan Hugh Hefner reyna zewejîya

0

Wayîrê kovara merdiman (mordeman) “Playboy”î Hugh Hefner zewejîyayîş ra bêzar nêbeno. Bi (ebe) 84serrîya xo Hefner reya hîrêyine zewejîno.

Nameyê cinîya xoya newîye Crystal Harrîs a. Roja Noelî de Hugh Hefnerî keyepelê Twîtterî de nuşt ke a roje ju (yew) niştane daye hevala xo Crystal Harrîs. A modelênî kena û hîna 24 serre der a. Yanî, werteyê înan de 60 serrî ferq esto.

Hefnerî serra 1953 de kovara Playboy vet. Waştîya xo Crystal hûmara Kanûne 2009 de playmate, yanî modela kovare bîye. Hefner raver ra serra 1949 de û 1989 de zewejîyaybî. Înan ra teber têkilîya xo bi xeylê playmatanê Playboyî estbîy. Di serre raver ra Hugh cinîya xoya verêne ra bîbî cîya.