Sey her serre emser kî Stockholm International Peace Research Institute (Enstîtuya Mîyanneteweyî ya Stockholmî ya Cigêrayê Aştîye, SIPRI) rankîngê xo yê îthalat û îhracatê çekan viraşt.

Brîtanya emser nêeşkîya ke Top 5 bikewo, çike herinda Brîtanya de Çînî cayê xo girewt. Goreyê statîstîkê SIPRI Dewletê Yewbîyayeyî yê Amerîka (DYA) bi 30% bîyê yewinî, dima Rûsya bi 26%, Almanya bi 7% û Fransa bi 6% yenê. Cayo pancin de Çîn bi 5% esto.

Hûmarê rotişî wina yê :

1. DYA

Koreya Başûrî – 12%

Awustralya – 10%

Mîreyîyê Ereban – 7%

2. Rûsya:

Hîndîstan – 35%

Çîn – 15%

Cezayîr – 14%

3. Almanya:

Yunanîstan – 10%

Koreya Başûrî – 10%

Spanya – 8%

4. Fransa :

Sîngapûr – 21%

Çîn – 12%

Fas – 10%

5. Çîn:

Pakîstan – 55%

Myanmar – 8%

Bangladeş – 7%

Goreyê nê hûmaran ra tewr zaf Afrîkaya Vakurî, dewletê ereban û welatê Asya çekan herînenê. DYA giranîya sektorê xo yê çekanê danê teyareyanê cengî (bitaybetî wesaîtê hewa yê bêmerdimî) ser o. Ê wazenê ke bi teyareyanê neweyan cayê xo yê verênî pêt bikerê.

Rûsya bitaybetî pê teyareyanê cengî û sîstemê roketan her serre zêde çekan roşena. Almanya kî pê tankanê Leopardî bala çekherînayoxan ancena xo ser.

(Resim: Official U.S. Navy Imagery)

1 ŞÎROVE

  1. Her kes herneno, roseno, çekan cene-dane, seba kara welatê xo gureyeno. îye ma vane “modernîteyê kapîtalîzm” rind nîyo, “Dewleta netewî” xirabina, waxte dewletî viyerdo:) eke vîyerdo, na welate ke na xeberde re sekene nîya?

Comments are closed.