Nêzdîyê Colemêrgî serê çemê Zapî de serra 1969 de tayê wendekaranê unîversîte ju (yew) pird viraştîbî. Serra 1999 de artêşa Tirkîya no pird bomba kerdîbî. Emser “Pirdê Cêncanê Şoreşgeran” ancîya (onca) ame viraştene.

Di nameyê nê pirdî estê: “Pirdê Cêncanê Şoreşgeran” ya kî “Pirdê Denîz Gezmîşî”. Roja 01.10.2010 de dorê 200 wendekaranê unîversîte no pird derbaz kerd şîy bover. Wendekaran bi (ebe) kurdkî kilamî vatî, sloganî eştî. Nuştoxê namdarê kurdî Cezmî Ersozî serê pirdî de qeseyî xo de va ke eke rojê sereyê (sareyê) xo rono, wazeno ke leweyê linga nê pirdî de bêro wedardene. Viraştena nê pirdî ra Cezmî Ersozî rayberênî kerdîbî.

“Pirdê Cêncanê Şoreşgeran” 70 metreyî derg o û 2,5 metreyî hîra yo. Wekilê BDP Hamit Geylanî, hunermendî, deyîrbazî, wendekarî û xeylê kesî beşdarê rakerdişê pirdî bî.

CEWAB BIDE

Keremê xo ra şîroveyê xo binuse
Keremê xo ra nameyê xo binuse