Saeta verên a ke dovîzê Euroyî duştê Dollarî de şeş (ses) aşmeyan ra tepîya vejîya nîşanê 1,37 Dollaran ser. Sebebê bêhêzîya Dollarî ra spekulasyonî yene viraştene, bankayê sîtemê federalî yê reservî, yanî FED plan keno ke bi (ebe) programanê taybetîyan senedanê dewlete biherîno.
Pereyê Euroyî 18. adare ra tepîya ancîya (onca) vejîya 1,39 Dollaran ser. Netîceyê konjunkturê xirabinî yê DYA ra FED mecbur o xezna xo tenêna tal (tol) bikero.
Heto bîn ra welatê sey (jê) Portugal û Îrlanda sereyê (sareyê) Ewropa dejnenê. Krîzê deynan ê welatî her roje beno girs. Pisporanê ekonomî ra gore merdim (mordem) her roje tenêna yeno nêzdîyê juna (yewna) krîzî. Wa teyna Îrlanda rê 50 mîlyar Euroyî lazim ê ke bankayê xo îflaz mebê.
