Emser aşma çeleyî de Dêrsim de xeylê vewre (vore) varaye. Tayê cayan de di metreyan ra zêde vewre (vore) ameye war. Qezaya Pilemurîye de 1,5 metreyî vewre (vore) varaye, şarî besenêkerd ke bivejîyo teber. Girêdayîşê Pilemurîye bi dewanê bînan birîya ra.

Melumatanê cayîyan ra gore heta rakerdişê rayan do tayê hewteyî bivîyarê. Tunelê werteyê Pirdo Sûr û Mamekîye rîyê vewre (vore) ra ame cadayene. Sûka Pirdê Sûrî de xeylê kamyon û erebeyî no semed ra besenêkenê raywanîya xo ra dewam bikerê. Mektebî kî di rojî amey cadayene.