Seba protestokerdiş û şermezarkerdişê înfazê hîrê sîyasetkaranê kurdan, roja 12.01.2013 saeta 12:00 de Parîs de dorê 100.000 kurdî amey têlewe.

Fransa de heta nika no kombîyayîşo tewr girs ê kurdan bî. Şodir ra şaristananê Ewropa û Kurdîstanî ra kurdî amey Fransa, peroj protestokerdoxî meydanê Gare de L’Estî (Garê Rojhelatî) de amey pêser. Heta lêl cayê kombîyayîşî pirr bî, hîna milet ameyêne.

Xeylê partî, rêxistin û komelî beşdarê protestoyî bî. Fransizan ra kî desteko aktîf ame dîyene. Serekê Partîya Komunîstan a Fransa Pîerre Laurent û pêro wekîlê komunîstî kewtî nûmayîş. Medya û çapemenîya Fransa bi kadroyanê xo no kombîyayîş teqib kerd.

Sakîne Cansiz, Fîdan Dogan û Leyla Şaylemez 9. çele 2013 Ofîsê Enformasyonî yê Kurdîstanî yê Parîsî de amey kiştene. Hîrê sîyasetkarî no hewte Kurdîstan de defn benê.

1 ŞÎROVE

  1. Merhaba shima ré,

    Ez wazena shima hemen iqaz bikerí. No resmé pílo ke seba suíqasté París´í amo darda kerdene, resmé mítínga París`í níyo. Vizerí no resim Facebook de mi ra zí ameybí. Mi seré né resmí internetí de cigerayísh virasht ú axirí vénit. No resmo pílo ke, shewe amo antene resmé mitinga Baskijan o. Nika tarixa mítinga Baskijan tam néno víra mi lé hamnané 2012 de bíyo. Xora shima zí resmí ra nezdíye de qayit bikeré na rastíye vénene. Hem, mítinga París`í shewe néameybí virashtene. Bimané weshíye de.

CEWAB BIDE

Keremê xo ra şîroveyê xo binuse
Keremê xo ra nameyê xo binuse