Qerarê konferansê jenosîdê Dêrsimî ke aşma teşrîne de paytextê Almanya Berlîn de ame viraştene, eşkera bîy. 15 qeraran de yeno zanayene ke Ewropa de qirkerdişê 1938 bêro yad kerdene. Naye ra teber yeno nuştene ke gerek ke jenosîdê Dêrsimî goreyê qerarê “Konvansyonê Virênîrogirewtiş û Cezakerdişê Jenosîdan” yê MY bêro qebul kerdene û jê (sey) sucê jenosîdî bêro ardene dadgehan ver. Aye ra kî dot ame vatene ke “Êndî kes çimê xo kurdan ra ke Dêsimî de qir bîyê, meçarno. Êndî kes besenêkeno ke vajo kurdî bêwayîr û bêavûkat ê. Seke peynîya her tarîxî roştî ya, yê şarê kurdan kî bena roşn.”
Qerarê konferansê Berlînî nê yê:
- Qirkerdişê 1937/38 jê (sey) jenosîd qebul bibo.
- Dewleta tirke qurban û peysermendeyanê terteleyî ra ozr biwazo.
- Dewlete pêro qirkerdişê ke Kurdîstan de viraşt, qebul bikero û ozrê xo biwazo
- Racêrayîşê surgunbîyayeyan û domananê înan peyda bibo.
- Ardimê racêrayîşî bêro dayene.
- Înan rê ke jenosîd ra xelsîyayê ra û neslo dîyin rê tezmînat bêro dayene.
- Arşîvê dewlete bêrê rakerdene, dokumentasyonî muzeyan de top bibê û kitabê mekteban newe ra bivirazîyê.
- Nameyê Dêrsimî îade bibo.
- Cayê mezela Seyît Riza û înanê bînan ke qir bîyê , eşkera bibê.
- Dêrsim û ju (yew) şariştanê Ewropa de heykelê jenosîdê Dêrsimî bêro viraştene.
- Eke Komara Tirkîya goş ro nê waştişan nênana, na mesele bêro dadgehanê mîyanneteweyan.
- Viraştişê awbendan Dêrsim de bêro vindarnayene.
- Heqê perwedeyê zonê (ziwanê) dayîke bêro dayene.
- Prosesê aştîye bêro dest cikerdene.
- Seba caardişê nê waştişan gerek komîsyonêde huqûqî bêro ronayene.
Gelê karker û nuştoxê delalî yê keyepala Dêrsıninfo yî!
Ez vernî de şıma rê sılam kena û rêz û hurmetê xo nawınena.
Badê cu, ez wazena bıney rayîrzıwanê Qeraro newın yê Konferansê tertelê Dêrsımî sero bıvındera.
Mı gore tîya de ” her dı çekuyê “ca” û “mezele” makî yî”.
Seweta na ra ganê fîîla/ lêkera “bıb” makî bîyero nuştene.
Sılamî hurmet.
Sıpas
Gelê karker û nuştoxê delalî yê keyepala Dêrsıninfo yî!
Ez vernî de şıma rê sılam kena û rêz û hurmetê xo nawınena û wazena şîroveyê xo yo ke nıka ra ver mı şımarê şawıt be sererasş bıkera.
Badê cu, ez wazena bıney rayîrzıwanê Qeraro newın yê Konferansê tertelê Dêrsımî sero bıvındera.
Mı gore tîya de ” her dı çekuyê “ca” û “mezele” nerî yî”.
Seweta na ra ganê fîîla/ lêkera “bıb” nerî bîyero nuştene; yanî wınawa bîyero vatene: “Cayê mezelê Seyît Riza û înanê bînan ke qir bîyê , eşkera bibo”.yanî ca eşkera bıbo
Sılamî hurmet.
Sıpas