Hetê Partîya Demokratîk a Şaran (HDP) ra ame dayene zanayene ke Selahettîn Demîrtaş beno namzedê serekomarê Tirkîya.

Kombîyayîşê çapemenî yê HDP de partîye Dermîrtaş sey namzedê xo eşkera kerd. 24. tebaxe 2014 Tirkîya de serekkomar yeno weçînitene. Demîrtaşî qiseykerdişê xo de va ke seba ey weçînitişê xo onurêde girs o. Derheqê weçînitişê serekkomarî de kî fikrê xo ard ziwan. “69an ra bi Apê Musa heta Hrant Dînkî, alayê înan war nêno. Weçînitiş de di xêzî têver erzîyay, yewê yê aştî û azadî ya, aya bîne kî yê dewletperwerî û gelêrî ya. Her di namzedî kî nê xêzan ra yê”, Demîrtaşî va.

Dewamê qiseykerdişî de Demîrtaşî bale ante ser ke o wazeno sîyasetêde demokratîko hêzdar biramo. “Goreyê fehmê ma, çaxê dewleta ciddî û tersnayoxe êdî qedîno. Ma wazenîme bimusnîme ke dewlete henî yena îdare kerdene ke şar ci ra hes keno û pê şa beno.”

Qiseykerdişê xo ra dime Demîrtaşî çepik û eleqeya girse dîye.

(Resim: ANF)

1 ŞÎROVE

  1. Siyaseta bi Tirkiya Kurdistan re u kurdan re ju mezela. Rsiminfo gerekeke ney mara rind bizino u xebere na siyasete na keyepel mekere. Yani her ca kurdi heqa xo girewte ju serek komariye mend. Na siyaseta qilerina…

Comments are closed.