Reya 4. futbolbazo arjantînij Lîonel Messî sey futbolbazo tewr rind ê dinya ame weçînitene.
Paytextê Swîsî Zurîh de kaykerdoxo efsanewî verê çimanê Ronaldoyî de cayê xo yê tewr berz ê dinyaya futbolî tenêna kerd pêt. Messî bi rayanê 50.000 futbolbaz û antroneran ra ame weçînitene. Netîce de Messî 41 % rayî, Crîstîano Ronaldo 23 % û Andres Înîesta 10 % de mendî.
Peşewa xelatedayîşî de Messî zaf biheyecan asa. Qiseykerdişê xoyo kilmekî de va ke “Ez verê wazean ke na xelate bi embazanê xo yê Barcelona pare bikerî. Her kesî ra razî ya ke heta nika piştgirîya mi kerde, bitaybetî Andresî rê.”
Lîonel Messî hîna 25 serre der o û klubê Katalonya FC Barcelona forvet de kay keno.
Klubo Spanyolî nê, Barcelona Katalonî yo. Kurdîstanijanê erjayeyî, şima zî zanê ke Catalonia no és Espanya.
Şima keyeawan bî.