Duştê ceribnayîşanê tersnayîşî yê dewleta Tirkîya de fermanderê QSD Mazlum Kobanî û hemserekê partîya YNK Lahur Cengî Talabanî ewro ameyî têlewe û derheqê yewîya kurdan de qesey kerd. Mazlum Kobanî Twîtter ser o na vilaweke daye: “Be hemserekê YNKyî Lahur Talabanî derheqê raverşîyayîşanê herêmî, Vakur û Rojhelatê Sûrîye û dîyaloga kurdî qeseykerdişêk. Ma birayanê YNK be sermîyanîya kek Lahur û Bafel Talabanî seba destdayena dîyaloga kurdî û soreşê Rojawanî sipas kenîme.”

Lahur û Bafel Talabanî wextê pêrodayîşanê Kerkûkî de giran rexne bîyî. Xeylê kurdan ra gore înan be bêbextî Kerkûk da destê dişmenî.

CEWAB BIDE

Keremê xo ra şîroveyê xo binuse
Keremê xo ra nameyê xo binuse