Konsolosê DYA yê Sûrîye da zanayene ke etapo yewin seba yewîya kurdanê rojawanî beserkewtiş ameyo temamkerdene. Çend hewteyî yo ke partîyê ENKS û PYD be piştgirîya DYA û Fransa ra derheqê hemkarî û hemparîya hêzanê xo de gureyenê. Konsolosê DYA naye ser o “No pêkerdiş seba şarê kurdan û pêro parçeyanê Sûrîye gamêda rind a” va. 

PYD û ENKS netîceyê pêkerdişî nîya şîrove kerdî: “Na peymana ke ma binê nezaretê serfermandarê pêroyî yê Hêzanê Sûrîyeya Demokratîke (QSD) Mazlûm Kobanî û şêwirmendê DYA yê koalîsyonê mîyanneteweyî, Wîllîam Robakî, de kerde, seba yewîya kurdan  bîye gama tarîxîya verêne. Seba înîsîyatîf û caardişê yewîya kurdan a Sûrîye, ma birêz Mazlûm Kobanî rê sipas kenîme. Reyna seba destdayîşê ci ma Mesûd Barzanî û Serekê Herêma Başûrê Kurdîstanî Nêçirvan Barzanî rê zerrîweşîye vanîme. Ma DYA rê kî sipas kenîme ke awankerdişê Sûrîyeyêda zafrengin û demokratîke rê piştî danê.” Eşkerakerdişê na pêameyîşî de fermandar Mazlum Kobanî û temsîlkarê DYA William Robakî kî ca girewt. Kobanî û Robakî garantîdayoxê na peymane bîyî. 

Herçiqas ke herey bo, be na game raya kongreya neteweyî kî bena ra. Têhetameyîşê hêzanê kurdanê be îdeolojîyanê cîya-cîyayan seba yewîya kurdan serebûtêde erjaye yo. Be ronayîşê sîstemê asayîşî û sîyasetî yê pêtî û hemkarîy, pabestişê Kurdîstanê Başûrî û Kurdîstanê Rojawanî, beno xurt. Hêvîya xeylê kurdan a ke demo ameyox de nê di parçeyê Kurdîstanî bibê yew

Seba seveknayîşê Rojawanî yew komîteya artêşe virazîna. Pêşmergeyê Rojî ke no taw Başûr der ê, sey YPG benê parçeyê artêşa QSD.

CEWAB BIDE

Keremê xo ra şîroveyê xo binuse
Keremê xo ra nameyê xo binuse