Ajansanê xeberan ê Tirkîya û Reuters ra gore, qezaya Eliyê Mentarê (Elbeylî) yê Kilîsî de ke sînorê Kurdîstanê Rojawanî ser o ya, uca mabênê eskeranê tirkan û çeteyanê DAÎŞ de pêrodayîş vejîya. Melumat ra gore 1 eskero tirk ame kiştene.

Reuters ra gore ewro dorê saeta 16:00 de çeteyan Cerablus ra na eskeranê tirkan ra, sey netîce yew leşkero tirk ame kiştene, di kî bîyê dirbetinî. Sey reaksîyonî artêşa tirke adir na mevzîyanê DAÎŞ ra. Îdîayanê artêşa tirke ra gore yew çeteyê DAÎŞ ame kiştene û hîrê wasitayî ameyî îmha kerdene. Yeno vatene ke pêrodayîşî dewam benê.

Xebera Firatnewsî ra gore, eskerê artêşa tirke ke sînorê Kilîs de bîyî, xo seba cengê duştê Kurdîstanê Rojawanî amade kenê.

1 ŞÎROVE

CEWAB BIDE

Keremê xo ra şîroveyê xo binuse
Keremê xo ra nameyê xo binuse