Şaredarîya Dêrsimî derheqê Festîvalê Tebîet û Kulturî yê Mizurî yê 15. de kombîyayîşê çapemenîye viraşt. Verê banê Xizmetê Şaredarîye de hemserekî Nurhayat Altun û Mehmet Alî Bulî, parlamentera Dêrsimî Edîbe Şahî, serekê şaredarîyanê qezayan û temsîlkarê partîyanê sîyasîyan ameyî têlewe.

Hemsereka şaredarîye Nurhayat Altun îzahatê çapemenîye wend va ke “Festîvalê Tebîet û Kulturî yê Mizurî ke emser reya 15. bêro kerdene, fealîyet o ke 38 ra bi nat ruhê xoverrodayîşî yê Dêrsimî musneno. Çend serrî yo ke şarê ma yo ke zor ra koç bîyo, nê fealîyetî de bi şarê cayî de yeno têlewe. Heto bîn ra yeno zanayene ke faydeyo ekonomî û sîyasî yê nê festîvalî esto. Ma ke tam waşt festîvalê xo temam bikerîme, o proses de Pirsûs de domanê ma ameyî qetl kerdene, no qetlîam şarê Dêrsimî kî xorîn-xorîn kerd dirbetin. Ma sey domanê şarê ke duştê zulm û dejî de vindenîme, verba nê qetlîamê Pirsûsî de bêveng nêmanenîme. Ma wayîrê şehîd û domananê xo yê dirbetinan vejînîme.”

Dewamê qiseykerdişî de derheqê xoverrodayîşê Kurdîstanê Rojawanî û awankerdişê Kobanê de qisey bî. Peynîye de ame vatene ke sebebê yadkerdişanê şehîdanê Pirsûsî ra, Festîvalê Mizurî yê emserrên Mamekî, Mazgêrd, Qisle, Pulur, Pilemurîye, Pêrî û Xozat de nêno viraştene. Bi qala peyêne hemsereke bale anta projeyê dêrsimijan ê seba ardimkerdişê Kobanê.

2 ŞÎROVEYÎ

  1. no şîkînoro Dêsim! rind ke sima îbtal kerdo,, kam zaneno no taw se beno vane hete Urfa ra IŞID MIŞID amo gereka sare ma diqa kero ha Xizir ma bisevekno eke festîval de suîkast falan kene wele be ma ra bo!

  2. rınd kerd her ca bi harb şin şüware festival nıka n^bo beno rınd

Comments are closed.