Rojnameyê girsî yê Fransa Le Monde yew (ju) nuşteyê xo de mesela kurdan de eleqedar beno. Le Monde ra gore çareserkerdişê mesela kurdan tena bi (ebe) otonomî beno. Perwerdeyê kurdkî û bacê cayî gama vêren a.
Nuştox û rojnamenusê fransizî Philippe Boulangerî meqaleya xo bi sernuşteyê “Seba kurdan otonomîye?” de ard ziwan (zon) ke mesela kurdan bê otonomîye çareser nêbeno. Boulangerî serra 2006î de kî jeopolîtîkaya kurdan ser o kitabê “Géopolitique des Kurdes” nuştîbî.
Boulangerî nuşt ke êndî (êdî) wextê çareserkerdişê mesela kurdan o. Her serre serê aşma gulane de pêrodayîş werteyê ordîya Tirkîya û gerîlayanê PKK qewimîyêno. Serra 1984 ra bi nat sey (jê) bîlançoyê cengî 45.ooo kesî merdê û 100 mîlyar Dollarî xerc bîyê.
Boulangerî ra gore vateyê “kurdî çin ê, tirkê koyan estê” hîna sereyê (sareyê) zafê sîyasetkaranê Tirkîya der o. Kurdê Tirkîya êndî wazenê sey hemwelatîyanê xo yê tirkan heqê xo bicêrê û bi geşkerdişê ekonomî rewşa xo rind bikerê. Perwerde û çareserkerdişê mesela kurdan yew bi otonomî ra hel bena.
