Kurd û çerkezan ra dima no taw kî şarê lazan ziwanê xo de perwerde wazenê. Komela kultur a Lajan no semed ra waştişê xo rusna Unîversîteya Rîze. Serekê komele Serdaroglu û tayê sermîyananê bînan rektorê Unîversîteya Rîze bi waştişnameyê perwerdeyî dest a zîyar kerd.
Tirkîya de nêzdîyê 500.000 lazî weşîya xo ramenê. Bitaybetî qezayê Hopa (Xopa), Arhavi (Arkabi), Borçka (Borçxa) û qezayê Rîze Fındıklı (Vie), Ardeşen (Artaşeni), Pazar (Atina), Çamlıhemşin (Vijadibi) û taye şaristananê girsan ê Tirkîya de nisenê ro. Ziwanê lazkî nêzdîyê Gurckî yo û 90 serrî binê asîmîlasyonêde giran der o.
Sey kurd û çerkezan lazî kî 90 serranê tarîyan ra tepîya êdî ziwanê xo yê dayîke de perwerdeyo mecburî wazenê.
