Kursê suryankî yê ke Unîversîteya Artuklu ya Mêrdinî de hetê entstîtuya zonî (ziwanî) ra ameybî viraştene, mezunê xoyê verênî vetî. 42 dersgirewtoxan no kurs bi serkewtiş qedêna û sertîfîkaya xo girewte.

Suryankî heta nika tena çê (keye) û dêr de ameybî musnayene. Na reya verên a ke kesî suryankî unîversîte de musaye. Pêserameyîşê dayîşê sertîfîka de serekê enstîtuya zonî (ziwanî) Prof. Dr. Yildirimî da zanayene ke o şa beno ke hîrê zonê (ziwanê) bimbarekî yê Mezopotamya û Rojhelatê Mîyanênî heyato akademîk weşîya xo ramenê. “Badê ke Împeratorîya Osmanîyan rijîya, mezgê jukerdoxî (yewkerdoxî) yê osmanîyan zonê (ziwanê) erebkî camîyan de, suryankî dêran de û kurdkî çêyan (keyeyan) de hepis kerd. Waşt ke nîya zonan (ziwanan) biqedênê”

No qiseykerdiş ra tepîya 42 mezunî sertîfîkaya o bi şayîye girewte. Seba ke qiseykerdoxê suryankî benê şenik, suryankî kî jê (sey) kirmanckî binê tehlukeyê vîndîbîyayîşî der a.