Kurdîstanê Başûrî de perwerdeyê kurdkî zil dano

Doman û cêncê kurdî başûrê welatî de şonê wendegeh û unîversîteyanê kurdkî. Xelisîyayîşê bandura Îraqî ra dime Kurdîstanê Başûrî de her roje heyatê kurdan tenê raver şono. Yew nimûne ziwanê kurdkî yo ke şar tey perwerde beno.

Domanê ke 4 û 5 serran der ê, besekenê şêrê mektebo verên bi kurdkî. Perwerdeyo bingeyên kî şeşserrîye de yeno dayene. Her doman mecbur o ke şeşserrîya xo ra heta 11serrîya xo şêro wendegeh. Perwerdeyo verên ra tepîya domanê kurdî wendegeho dîyin zîyaret kenê, di dewran de hîrê serrî.

Bi 18 ya kî 23 serran cêncî besekenê ke perwerdeyê xo unîversîte de dewam bikerê. Unîversîte de cêncî ya dîplomaya teknolojî ya kî yê îlmî cênê. Kurdîstan de unîversîteya verêne serra 1968 de ameye rakerdene û bi nameyê Selahaddîn a. 1992 de Unîversîteya Silêmanîye ameye ronayene. Ney ra kî qederî Duhok de serra 1992 de yewna unîversîte ameye rakerdene. Şarîstanê Koy de û serra 2006 de Hewlêr de “Hewlêr Medical University” (Unîversîteya Hewlêrî ya Tibî) dest bi perwerdeyê kurdkî û îngilizkî kerd. Serra 2006 de University of Kurdistan (Unîversîteya Kurdîstanî), 2007 de The American University of Irak (Unîversîteya Amerîkayij a Îraqî) Silêmanî de û eynî serre de Business & Management University (Unîversîteya Tîcaret û Manejerîye) keyberê xo kerdî ra. Serra 2008 de Fethullah Gulen unîversîteya tirke Işik Üniversitesi kerde ra.

No taw Kurdîstanê Başûrî de 16 unîversîte û wendegehanê berzan de perwerde pêşkêş beno.