Kurdê ke paytextê Fînlanda Helsînkî de nişenê ro, ju (yew) camî kerd ra. Nameyê na camî “Şex Seyîdê Pîranî” ame pira nayene. Na camî de tena kurdî ney, muslumanê şaranê bînan kî yenê îtîqadê xo rê wayîr vejînê. Na camî de dersa Quranê Pîrozî bi kurdkê yena dayene.

Taxa Ratîîla yê Helsînkî de kurdî na game ra îtîqadê xo bi zonê (ziwanê) xo virazenê. Sermîyanê camî Azîz Aslanî sîyasetkaro kurd Beşîr Batum û her kesî rê ke keda xo ronayîşê na camî de esta, sipas kerd. Aslanî va ke “Camî êndî çêyê (keyeyê) mayo dîyinî yo. Semedê yadkerdişê Şêx Seîdê piranijî ra ma no name da camî.”

Îmamê camî, endamê Cematê Îslamî yê Kurdîstanî Mela Nurî, kî hîsê xo nîya ard zon (ziwan): “Kam ke na dinya de camî virazeno, Homa ey rê dinyaya bîne de saray dano. Musluman bê camî nêbeno, camî kî bê musluman nêbeno. Ma kî jê (sey) şaro kurd bê camî besenêkenîme. Na camî de perwerdeyê domanan bi kurdkî yeno kerdene. Çiqas ke ma Homayî rê şikir kenîme kî şenik o.”

1 ŞÎROVE

  1. Wa ser xeyrê bo înş. Heq viraştoxan ra razî bo. Nameyê ey kî xeylî rind o. Boka camîyê hîna girsê destê kurdan ra bêro viraştene.

Comments are closed.