Koyê Qendîlî yo berz ra mi xo vera deşta Mezopotamyaya kehene da. Deştî bi xeyr û ber ê. Nê welatî de koyî sey belxur, deştî sey hingimên ê. Şîyayîşo derg û dila yê Başûrê Kurdîstanî ra tepîya ez ameya kewta gema Şingalî. Tîya zî vêşî deşt a. Tayê cayan de banî ameyê rijnayene. Ez pers kena vana “no çik o?” Cewab danê mi vanê “DAÎŞ bi madeyê teqnayîşî teqnayo”. Ez vana, “Remayî şîyî o wext”. Vanê, “Ney, wexto ke ameyî kewtî nê cayan, dest bi teqnayîşê banan kerdêne”. Mi vat, “Eke înan dagîr kerdo tîya bîyo yê înan, çira teqnenê ke?” Vanê, “No ferasetê DAÎŞ o, çi çîyê kurdan bo, teqnenê, veşnenê, çin kenê.”

Nê welatî de koyî sey belxur, deştî sey hingimên ê.

Deşte ra şîyayîşî ra dima ez nêzdîyê koyê Şingalî bîya. Hewa vurîyeno. Germa deşte ra dima vayê Koyê Şingalî yo honik rîyê ma lîseno. Hetê derûnî ra hîna vêşî ma aya benê. Ruhê ma hîna vêşî hol beno. Kewtişê newale ra xeymeyê êzîdîyan asenê. Domanî kîşta cadde ra maşîneyê YBŞ (Yekîneyê Xoverrodayîşê Şîngalî) vînenê. Destê xo yê qijekî berz kenê û îşaretê serkewtişî mojnenê. Qîrenê vanê “Wa biciwîyo rayber Apo”. Hetê ciwîyayîşî ra manzera hewl nêasena. Labelê merdim ruhê xoverdayîşî hema ca de hîs keno. Kurdê tîya sereberz ê. Sêneyê înan masayê tîk hemverê xo ra ewnenê.

Şîyayîşê mi yê rayîrî ra merkezê TEVDA (Tevgêrê Êzîdîyan o Demokratîk û Azad) de peynî bî. Mi merheba da înan. Înan ra boya azadîye yena. Mi aw û çay şimitene dima dest bi galgal kerd. Kesî behsê binkewtiş û qirkerdişî nêkerd. Heme çî ra ver qala gerîlayan ame kerdene. Wextê qirkerdişê înan xo resnabî hewara êzîdîyan. Vatoxî hîna vêşî qala xoverdayîşî û şehîdan kenê. Mabênê qisayan de ge-ge zewtî, ge-gane zî nengan çînenê.

Tîya cîya-cîya hêzê cengkerî estê. Sey HPG, YBŞ, YBŞ-J, pêşmerge û hêzê Heyder Şeşoyî. HPG, YBŞ û YBŞ-J meterîsanê tewr vernî de yê. Qandê cû ê ke benê şehîd û dirbetin, tena gerîla û YBŞyij ê. Wexto ke pêrodayîş dest pêkeno, tayê hêzê cengkerî veng dûrî ra heşnenê. Pers kenê vanê “se bîyo?” Wexto ke pêrodayîş reseno peynî, o wext vanê şima rê hetkarî lazim a.

ge-ge zewtî, ge-gane zî nengan çînenê

Roja dîyine şewdirî de pêrodayîşî dest pêkerd. DAÎŞ hêriş kerd û ame labelê YBŞ çîk da piro. Dewa Medîba de hêrişê DAÎŞ ame şiknayene. YBŞ da peyê çeteyan. YBŞ vera hêrişê DAÎŞ hêriş viste kar. Gelek çekî girewtî. Gelek çetî vistî war ro. Nê pêrodayîşan de hîrê şêrgeleyan ganê xo kerdê feda.

Roja hîrêyîne de ez şîya goristanê şehîdan. Yew merasîmêde şehîdan virazîya. Hêzê cengkerî û şar yew goristan de ameyî têhet. Bêhêvîye û vileçewtîye qet çin bî. Çimanê her kurdî de azadî şewle dana. Peynîbîyayîşê merasîmî ra tayê şîyêne meterîsan tayêna zî şîyêne xeymeyanê xo.

Tîya mezgê her kesî de fikrê azadî û demokrasî esto. Her kes hîna vêşî serbestî, hîna vêşî demokrasî wazeno. Nînan kesî ra nêpawenê, bi gan û gonîya xo virazenê.

3 ŞÎROVEYÎ

  1. Bawere ma heniyo ke endi parti marti dime ney, dime netewiya Kurdistan serime. Her caye ma 40 sero yo ke partiyi ra pirre, endi neyra bezar bime. Seke sare bini welate xo be alaye parti bi alaya dewlete xo seweknene, mak gereke ke hen bikerime. Werte qehramane Kurdan qe ferq cino, pero domene na harde. Na semeda onca vanke tema ke welat bi, partiyi muhim niyo. Nustox re bereziza u zerre vesiya xo van, wes nisto. Nusteye bini pirr rindek beno.

  2. To xêr ama hevalo Azad!
    Mi nusteyê to wend. Ez kî bi na wesîle gerîlayê ke koyanê Kurdîstan de seba azadîya miletê xo, seba raxelesîyena welatê xo, seba kamîya xo, seba ziwanê xo mucadele kenê û canê xo feda kenê înan re sêlamê xûyo germin rûşnen…

CEWAB BIDE

Keremê xo ra şîroveyê xo binuse
Keremê xo ra nameyê xo binuse