Kongreya 2. ya îstînayî ya BDP qedîya. Weçînitişê kongre de ke Anqara de ca girewt, 1191 delegeyan ra 654 endaman reya xo daye. Sey netîce Selehattîn Demîrtaş bi 650 reyan bî serekê pêroyî, hemsereke kî Gultan Kişanak a. Aye ra zî wet kongre de 80 parlamenterê partî amey weçînitene.
Demîrtaşî qiseykerdişê xo de va ke problemo tewr muhîm ê Tirkîya mesela kurdan a, naye de mesela kurdan mesela têduştîye, edelet û aştî ya. “Şima ke vanê, ma fek ‘yew ziwan û yew milet’ ra veranêdanîme, şaro kurd ney ra êdî bî mird.” Demîrtaşî da zanayene ke no sîyasetê yew ziwan û yew miletî qet peymana mîyanneteweyî de ca nêgirewto, tena sîstemêde faşîşt de yeno dîyene. Derheqê têkilîya kurdan û tirkan de Demîrtaşî va, “Gerek şima hem leşkero merde rê hem kî gerîllayî rê biberbê. Ewro şima seba her kesî berbenê, ma pîya berbenîme, meşte kî pîya huyenîme. Êyê ke ewro pîya nêberbenê, meşte kî pîya nêhuyenê.”
Kongre de kî wayê serekê partîya qedexîye PKK Abdullah Ocalan, birayê Mehmet Karayilan û waya Mazlum Dogan beşdar bîy. Pêro pîya 30 welatan ra sefirî amey kewtî kongre. Xisimê qurbananê Roboskî kî beşdar bîy, seba Roboskî edelet waşt.
Serekê PDK Mesûd Barzanî beşdarê kongre nêbî.
Hata ke kurdi vayire ja dewlete nebi, teyna berbene. Na waxtte kam piya berbenoke kurdik piya biberbe. Kurdi u bdp Ende no hewnra hesar bo. Barzani sono Kongreye AKP, Hama Kongreye ma Nino… Ey dikara protesto Kena.
Şîroveker(dox) “Munzur” Birêz Barzanî protesto keno ke qey çi rê şîyo kongreya AKP la nêşîyo kongreya BDP. Seke yew mucburîyet bibo, seke her kurd gerek destek bido BDP. Dinya alem zano ke fikrê birêz Barzanî çi yo, şîyayîşê ey kongreya AKP yeno çi mana û nêşîyayîşê kongreya BDP yeno çi mana. Kurdî biney sîyaset bizanî baş beno. Kam partî bena a zana, heqê tu yew partî çin o ke îradeyê kurdan bigêro bin bandora xo, tena xo temsîlkarê kurdan bihesibno û xo ser vera kudan qerar bigêro. Endamê a partî zî bi no firk ra zordarîye bi kurdan bikero.