Bi seyan çeteyanê DAÎŞ vizêr şewlete hêrişê Kerkûk û dewanê ci kerd. Pêşmergeyan besekerd çeteyan peyser bierzê.
Xebera Rûdawî ra gore bi seyan terorîstanê DAÎŞ 35km Kerkûk ra dûrî peşewe hêrişê dewanê başûrê şaristanî kerd. Fermandara pêşmergeyan Rasûlî no derheq de va ke “600 ra zêde çeteyanê DAÎŞ hêrişê dewanê Talwra, Murreyê Qij û Girsî û Şahîdî kerd, labelê pêşmergeyan hêriş şikit.”
Çeteyan 6 hetan ra hêriş kerd, çi esto ke teyarayanê koalîsyonî dest da pêşmergeyan. Bitaybetî dewa Murre de pêrodayîşî çetin bîyê. Texmînan ra gore 100 ra zêde çeteyî ameyî kiştene. Cebhe hîna binê kontrolê pêşmergeyan der o. Melumat ra gore 3 pêşmergeyî bîyê şehîd û 10 pêşmergeyî kî bîyê dirbetinî.
Hedefê DAÎŞ o bî ke fabrîkaya petrolî ya Suryanî ke başûrê rojhelatî yê Kerkûkî der a, aye bicêrê binê kontrolê xo.
