Melumatê merkezê çapemenî yê YPG ra gore, operasyonê YPG û YPJ duştê çeteyanê DAÎŞ de dewam benê. 

Başûrê Kobanê de operasyonî raya Sirîn û Reqe de yenê kerdene. Nika hêzê YPG mabênê Serê Kaniyê û Sirînî de Maxaretên kontrol kenê. Aye ra kî teber şaristanekê Ayn Îsa de operasyonê azadkerdişî dewam benê: “Vizêr peyê perojî hêzanê ma raya Girê Sipî û Reqe ser o grûbêda çeteyan xo rê kerd hedef. Hêzanê ma na çeteyan ra, yew wasîtaya eskerî îmha bîya, yewna kî darbe dîyo.”

Ewro şodir kî 35km rojhelatê Ayn Îsa de, dewa Qantariye de, hêrişê DAÎŞ qewimîyayî. Nê hêrişî de bitaybetî wasitayê bibombayî seba hêrişanê întîharî ameyî xebitnayene. Tede 6 cengdarê YPG bîyî şehîd. Dina cengdarê YPG yew hêrişê rojawanê koyê Kezwanî de bîyî şehîd. Hûmara merdeyanê DAÎŞ hîna tam bellî nîya, la texmînanê YPG ra gore bi seyan ê.

Yewna operasyonê YPG başûrê rojhelatê Til Hemisî, dewa Xessanî de virazîya.