Vilaweka nuştekî ya Merkezê Fermandarîya HPG de yeno nuştene ke jetanê artêşa Tirkîya warê HPD bomba kerdî. Goreyê Merkezê Fermandarîye ra heqê HPG esto ke peyser hêriş bikerê. “Çarçewaya xoseveknayîşî de hêzê ma yê gerîla do xo biseveknê û do heyfê her hêrişê hêzanê dewleta Tirkîya bicêrê.”

Serra 2013 ra bi nat no hêrişê hêzanê Tirkîya bombardumano yewino girs bî. HPG ra gore jetanê cengî warê Avaşîn, Şehîd Rahîme, Şehîd Bager, Şehîd Erdal, Şehîd Gafur, Şehîd Afad û Şaxê Nêriya Mintiqaya Medya de bomba kerdî. Vilaweke de nusîno ke tank û top kî hetê Oramarî ra hêriş kerd. Melumat ra gore cengdaranê HPD ra kesî zerar nêdîyo.

Eslê xo de 2013 ra bi nat mabênê PKK û artêşa tirke de sakînîye estbîye, bitaybetî badê ke Abdullah Ocalanî venga aştîye dabî. Labelê wextê prosesê aştîye de artêşa tirke qereqol, raye û awbendê xo kerdî pêt. Aye ra teber Kurdîstan de aktîvîteyê xo kerd zêde. Çi esto ke HPG bi xo 2013 ra bi nat hema-hema sakîn mendî û di-hîrê çalakîyanê xoseveknayîşî ra teber teba nêkerdbî.