Çapemenîya DYA ra gore namzedê partîya demokratan ê DYA Joe Biden beno serekê DYA yo 46. Herçiqas ke netîceyê weçînitişî yo resmî di-hîrê hewteyî dima yeno, hûmaranê nikayinan ra bellî yo ke Bidenî zafêrîya rayan girewta.
No weçînitişê DYA biheyecan vêrd ra. Çar rojî yo ke rayî yenê hûmaritene, her di namzedî, Joe Biden û Donald Trumpî, hema-hema têduşt xo ver eştêne. Vizêr bî eşkera ke Biden vejîyeno ver. Çi esto ke serekkomaro nikayin Donald Trump skor hema qebul nêkeno. Trump bêdelîl vano ke partîya demokratan weçînitiş de hîle kerdo, no bî sebebê xeylê rexneyan. Hetta tayê kanalanê televîzyonî qiseykerdişê serekkomarî de weşanê xo birna.
